2007年9月29日 星期六

Happy Friday

終於都可以一放工就返屋企喇﹗

(其實今日都有一個Circular要出﹗好彩佢地2點前已經俾左我地整﹗而且個Circular係同上年果個一樣﹗於是今次差唔多都係由我整﹗)

好開心呀﹗第一次出Circular﹗全公司既人都睇到ga~~~~

放工搭船搭巴士到左街市﹗

買左雞脾雞亦、甜椒、菜心、龍利柳、豬肉、鯇魚......

煮飯

甜椒炒肉片

蒜蓉蒸鯇魚

豉油皇雞脾

2個人食好似多左d﹗

好支力呀﹗


2007年9月28日 星期五

又OT


又係因為星期二果份文件,到今日星期四仲未整好﹗

直到差唔多放工佢地都仲未有資料咁我地點幫佢整呀??但唔整好又唔可以放工﹗

一到五點半真係好想咩都唔理就走﹗

整下整下差唔多七點先走得﹗

OT

成個人放工已經好辛苦﹗

有小小暈﹗

個胃頂住頂住﹗

原本諗住買個飯返屋企食﹗但又唔想食咁油﹗於是都係煲粥食﹗

細佬又問我有無搞過佢既魚??

今次仲誇﹗一次過唔見左5條﹗我地發現果2條原來係叫鴨嘴既鯊魚BB個肚勁大﹗細佬話佢食到胞晒,好似大左肚咁﹗

好恐怖呀﹗

唔知點解感覺唔多好﹗


2007年9月27日 星期四

我的第一隻醉雞

因為係公眾假期,所以有多d時間響屋企﹗

因為之前果晚3點先訓﹗

一醒就係2點喇﹗整左早餐/午餐俾自己同細佬食﹗

煮左個面﹗

之後就整醉雞喇﹗

(首先: 洗乾淨雞﹗蒸半個鐘倒﹗再倒起汁待凍,350ml 紹酒煮滾待凍,mix & + 2湯匙魚露 浸幾個鐘)

搞掂﹗好似好易咁﹗

因為屋企無紹酒,於是用左九江雙蒸﹗其實唔知得唔得﹗(下次要買花雕酒先﹗好似會香D)

食既時候細佬話無咩酒味﹗不過我食左2塊﹗留左3塊肉聽日帶﹗其餘果D細佬一餐食晒﹗咁應該都係好味啦﹗^ ^

下午既時候洗左自己床單仲拖左地﹗天氣又好好﹗曬野好快就乾﹗好乾淨好舒服既感覺﹗

咁就過左一日假期LU~~~~不過都開心﹗


中秋節我們很快樂

原本可以3:30放工,點知放工之前突然間有2個文件要整﹗

搞到5點佢地先話都係星期四先再整﹗激死我喇﹗

但如果唔係Emily問我地走得未佢地都未必會出聲叫我地走﹗

咁同平時咪差唔多﹗

返到黃大仙就去左買餸﹗買左蜜汁京都骨同小唐菜

D京都骨唔夠軟,硬左小小﹗

菜都係咁啦﹗

同細佬食左中秋飯之後就出去CBJustin

佢響灣仔同屋企人食飯﹗

我地去左維園行花燈會﹗(佢第一次行呢類型既野﹗)

其實我之前幾年都黎過,今年好似無咁靚﹗

我地望到個月光呀﹗^ ^

D唔開心已經過左去﹗而家開心就得喇﹗

我地行左一陣就走喇﹗

去灣仔,又過返CB﹗打左一陣機﹗

^ ^ (Justin話佢已經好開心lu)

要記住你要同我一齊50年﹗但我60歲就死ga la wo……都好啦﹗咁直到我死都同你一齊喇﹗Kai 子﹗

Hahahahahahahahahahahaha~~~~~

好野﹗我前2日同佢講想去寶瓶星號﹗因為我係水瓶座﹗果時佢仲同我講: “無聊﹗

佢中秋節果日同我講年尾同我去﹗ ^ ^

錫晒我真係好﹗


2007年9月25日 星期二

地獄第十九層

因為又有贈卷再唔睇就落畫,於是Justin放左工就過左去黃大仙搵我﹗


我地又一齊整野食喇﹗


今次有我尋晚煲既豬骨湯﹗雞肉炒西蘭花﹗同埋雜錦(真係咩都有﹗青豆、腸仔、丸、Crab柳,炒埋一堆)


咁就一餐喇﹗


食完野就過左去新世紀睇<<地獄第十九層>>


陪我睇恐怖片唔係俾套戲嚇死,而係俾我嚇死﹗


因為我一驚就四圍抓﹗


仲記得有一次同蘇菲佢地睇戲﹗我一驚就攬住佢,咁岩套戲就係隻鬼突然攬住果個人條腰﹗嚇到蘇菲大叫﹗


呢套戲想講做錯野一定有報應﹗


同埋每個人心入面都會有恐懼,只要你可以克服,咁先可以去到地獄第十九層,而第十九層就係真正既天堂﹗人一定要過左地獄先可以到天堂﹗


Yahoo爆笑影評 : 由買飛果一刻開始你就已經去左地獄第十九層﹗


笑到我地2個爆晒嘴﹗


希望我地每一個人都中秋節快樂 ^ ^


(希望今晚個醉雞成功)


2007年9月24日 星期一

逃學的星期六

因為想陪多D Justin所以逃學一日﹗

其實係因為星期六要上4個鐘﹗我好懶唔想返﹗但想陪你都係真嫁﹗

睇下VCD、食下野﹗

睇左<<跟蹤>> <<Hollow man>>

煲左瑤柱粥俾佢夜晚/肚餓既時候食﹗

Carmen教我煲粥﹗如果可以解答埋我既問題咁就好喇﹗

好想陪你耐D

不過又要去做Facial喇﹗

Book7點﹗唔想遲到,等車等到驚驚既時候

Justin:”雖然我Pass左不過仲未羅個牌,如果唔係可以車你﹗

Cherry:”wo﹗你而家可以載人ga la wo,點解你唔羅牌呀

之後Justin就俾Cherry打到鞋都壞左喇﹗

6次做Facial喇﹗

其實我都覺好左既﹗今次係Uni幫我整﹗佢無整得我咁痛﹗所以塊面都唔係好紅﹗

呢排天氣真係好乾﹗所以Fu左補濕﹗

買左一支去印、美白﹗

真係好臭呀﹗仲要好貴﹗下個月又要食面包喇﹗

不過我唔會再買野ga la


星期日

由朝上堂上到晚

Lunch同左EmilyPrudence食﹗

夜晚細佬唔響屋企

去左Supermarket買左2 pack野飲,3包餅,1支磨沙,1支奶…..

一個人食左碗粥,煲左個豬骨湯﹗(聽日同Justin一齊飲先﹗)

煮左飯聽日帶﹗

洗埋碗就訓喇﹗

細佬養左一缸魚﹗原本有10幾條﹗2條係鯊魚BB,其他既係條尾彩色既細細條魚唔知叫咩名﹗

但細細條魚既數目就越黎越小﹗而家得返一條﹗

細佬問我係咪佢地死左我幫佢dump左﹗

但我掂都唔敢掂佢個缸﹗

唔通係跳左出黎??

但又搵唔到wo~~~

結論係鯊魚BB肥左﹗


421 521 621 721 821 921


終於都星期五喇﹗

雖然放左工要返學﹗不過返完學之後有人黎湊咁就算喇﹗

響公司羅左D月餅俾Justin (佢好鍾意食月餅ga, 一個人食2盒﹗)

放左工Mnager叫我留響度﹗因為有File要改﹗其實都係d好簡單既野﹗

不過都整到6:15分﹗(其實佢仲未諗住叫我走﹗我開口話要去上堂)

Justin平時會6:15分就過到黎灣仔﹗

我咪叫佢幫我羅住d月餅先﹗

點知去到天橋既時候已經搭半﹗無人響度﹗

勁唔開心呀﹗平時等佢咁耐而家遲小小就唔等人﹗

仲要電話無晒電打唔到俾佢﹗><

但其實我都有諗過係塞車﹗等到搭7都未有人﹗咁咪走lor…..

唔開心呀﹗

上左3個字堂 (因為講左一個鐘電話,食左幾個字野﹗早走左九個字﹗)

放左學諗住佢會響樓下等我點知都係要我搭車過去灣仔搵佢﹗

真係有小小猛ga

不過一見到佢就咩事都無lu~~~

塊面真係比上星期最嚴重既時候更嚴重﹗就係因為果一串yao

真係令人擔心﹗

食完野之後,我地睇左<<1408>>

都唔算太恐怖
gei~~~

疑幻疑真

Burn me alive??

支力喇﹗訓喇﹗


2007年9月21日 星期五

又係返工放工返學放學既痛苦日子

好彩之前果晚,洗完碗洗完衫十二點半就訓左喇﹗

D衫積左勁多﹗好恐怖﹗

但一返到學聽到阿Sir既正斗英文 to a ri sum???(tourism)

仲好聽過7ditional

勁過分咁睇左一個鐘Video

但唔睇Vidoe我又悶到訓著wo….

今堂終於都記得帶note la….

之後幾日仲要返呀﹗三四五六日都返學既日子真係好痛苦

返到屋企又要執返D晒乾左既衫

原本Justin塊面已經好得七七八八﹗

但點知佢食左串Yau魚又敏感﹗

不知如何是好﹗

































Age in years0.42
Age in months5
Age in days154
Age in hours3687
Age in minutes221211
Age in seconds13272644
Age in Milli seconds1327264368
Age in weeks1075
You born on                  Saturday


2007年9月20日 星期四

體力透支

二點訓一早七點起身

支力到眼都撐唔開﹗

返工不停做做做….

放左等Justin (咁支力都陪我﹗)

之前果晚佢訓左2個鐘ja….

返學返到9點﹗

朝早明明羅晒Notes、錢﹗但出門口果時又放左響台面唔記得﹗

3堂上堂有2堂無帶Note

有一堂有帶係因為第一堂阿Sir派﹗

真係好憎自己咁大頭蝦﹗

有一樣野好開心﹗24號既Exam6:45考到8:45,原本我諗住考左大半就走去機場﹗而家考到8:45應該趕得切啦﹗

旅行社話如果真係12:25起飛,大概10點到機場﹗趕得切既﹗

不過果日我應該會死左﹗返左成日工之後去考試﹗考完就即刻去機場﹗

去到韓國4點幾﹗即刻就開始我地既5日行程﹗

Horrible既係一返黎係星期一﹗之後果4日都要返工﹗

超人﹗^ ^


2007年9月19日 星期三

約會女朋友

星期二時間依舊過得好快﹗

下晝聽到個驚人消息,到底點解會係咁ga…

世界咁大真係無奇不有﹗

大職位小職員

不過唔重要ga,條條大路通羅馬﹗將來一定會更加好﹗^ ^

放左工俾左d冰皮Justin

Nik一齊返屋企﹗

放左工買餸其實都幾支力﹗(可能係得返一個人既問題掛)

煮好飯﹗女朋友仔就過左黎我屋企陪我食野﹗

係咁傾﹗係咁傾講到11:30喇﹗

聽朝仲要8點去到東涌﹗

都係早d返去休息啦﹗

唔知點解明明好支力,但講講下電話都成1:45…

仲喊tim…(無事﹗係因為我本人多愁善感﹗唔關Justin事﹗)

不能哭了 - 傅穎

作曲: Walter Wong
填詞:方杰
編曲:李漢文(on your mark)
監製:李漢文(on your mark)

漫天的飛絮胡亂飄 我整天咳嗽還未消
手帕 今天無人遞了 你走了
大廳燭光仍然在燒 睡房香薰仍然在燒
但你 不想與我生活了

舊信未掉 淚腺壞掉 全力控制 也沒辦法了
總要 更吃力地苦笑 病態般 何來格調

*
我不過痛哭了 防線結果都崩壞了
我要治療 靠眼淚排走心痛 最苦的目標
你不過變心了 其實我失戀的經驗夠多了
上次 說過沒有妄想 便不怕被棄掉
緣盡照常微笑 心繼續跳 但分手一刻 一切沒了*

最窩心的明明是他 間中想通訊曾是他
跟你 開始時如玩票 試一下
最初的估計存落差 認真得竟會忘掉他
現況 真可叫我忍耐嗎 還是算吧
repeat*

我 並不想尖叫 淚水 用雙手抹掉
額再熱燙 鼻有多酸 來熬過通宵

我不過痛哭了 防線結果給侵入了
我要治療 靠眼淚排走心痛 還是很必要
我知道 我要醒了 連我的姊姊都一樣眼腫了
劣勢 也會事過境遷 被擊退太可笑
遺憾要遺忘了 心繼續跳 若果想哭泣 哭五六秒

 


2007年9月18日 星期二

10月25日與Justin一起向韓國出發

驚左一日之後放左工就即刻過鑽石山搞轉日子既野﹗

原來係因為我地買左保險,咁而家有事可以免費轉一次日子﹗

咁個保險真係買得幾抵﹗^ ^

整完就一齊去左黃大仙街市買餸煮飯﹗

好衰呀﹗想嚇死人咩….

買左帶子,矮瓜,豆腐 (屋企有西蘭花,會整西蘭花炒帶子,佢想食蒸豆腐同矮瓜咁就買左喇﹗不過我係完全唔識點整矮瓜ga)

返到去整左成半個鐘終於都搞掂喇﹗

Kitchen真係好熱﹗佢整Garlic蓉蒸豆腐﹗我負責整帶子同西蘭花

我一切茄子佢煮﹗

最後緊係好成功啦﹗

豆腐多左小小水﹗都OK好味呀﹗

帶子好味﹗

茄子係有稍微太深色﹗

不過最緊要係一齊整出黎﹗

Justin又試食左好多喇﹗2碗飯﹗d餸都食得七七八八….

偷情真係好激ssssssssssssss

SO SWEET


2007年9月17日 星期一

同表妹一齊整冰皮

星期日,一早就浸綠豆﹗我見無咩做咩寫返我個日記簿啦﹗

咪諗住markd野落去﹗點知寫到去1023號既時候發現原來我24號要考試﹗點算呀﹗

成個人都唔知點做好﹗勁緊張﹗

24號已經響韓國點考試呀﹗

但又唔可以唔考試wo~~~

打左去旅行社問﹗佢口頭上話唔會罰錢﹗(希望係真啦﹗)

之後同左表妹整冰皮﹗一邊整一邊好驚﹗驚嚇死Justin﹗因為我只係sms左佢﹗佢未起身仲未知﹗

佢放19 – 28日﹗但如果改佢要請多1日假﹗

真係無辦法﹗

2點開始整一直整到七點﹗整左25個﹗好d好醜﹗有dok既﹗

不過我地d綠豆mix得好差﹗一d都唔係蓉﹗有好多粒粒﹗

表妹話咁先有口感﹗

Hahahahahaha~~~

好彩無俾人話﹗仲有人tumtim ^ ^

之後一齊煮野食…..

2日都好似無咩Rest咁﹗好支力﹗


特別的一天

星期六我等埋Justin放工就一齊過去鑽石山果度報團去韓國﹗

佢塊面好返好多喇﹗再俾多小小耐性應該就會無事喇﹗

Haha~~~我又帶錯路

報左1023

報完就返左去我屋企﹗我煲左瑤柱菜乾粥俾佢食﹗

佢第一次我問佢好唔好味呀﹗佢就答好味﹗之前都係話ok啦﹗幾好啦﹗

仲一次過食左2大碗﹗

:個碗係我食飯果個碗既3倍﹗

好開心佢覺得好味﹗

今日佢終於都知道左我一直唔敢同佢講既野﹗

但佢無問我﹗可能佢根本唔介意,亦有可能係佢唔知點問﹗

不過唔再重要喇﹗

一日食2次阿波羅﹗ ^ ^

我知咩先係最重要咁就得喇﹗

夜晚就整冰皮個皮﹗

Mix à Steam

好似好易咁﹗


星期五

一放工就返左屋企同媽咪食飯喇﹗放工既時候去左買整冰皮既材料﹗

買左冰皮粉(話就係話冰皮粉,不過又要mix又要蒸,都幾煩﹗)、太白炒、開邊綠豆、朱古力﹗(因為我要整朱古力味﹗)

最貴係個模﹗差唔多樣子既要 $180﹗我揀左個平平地既﹗只係 $35

其實都買左百幾蚊﹗又唔知會唔會整得好味﹗買可能仲好啦﹗不過好想試整呀﹗


2007年9月14日 星期五

煩忙的二天

星期三

繼續戰鬥minutes

搞到發晒脾氣,最後終於搞掂﹗(佢改返黎,錯左勁多﹗但我已經盡左力)

改左56次終於都收貨,如釋重負….

放左工就過MKJustin﹗差唔多要報團去韓國喇

第一次見到佢果塊敏感既面﹗紅色一點一點咁﹗不過無我想像中咁紅﹗

醫生話會好快好返﹗咁應該好快無事啦﹗

去左銀行中心﹗點知勁多人排隊﹗

羅左Wing On、康泰、東瀛遊、美麗華

其實韓國D團價錢差別,由千幾至三四千都有﹗

睇左好多﹗揀左勁耐﹗Justin話仲煩過睇股票﹗

因為真係太多人喇﹗我地排左23間就關門喇﹗

報唔切﹗

之後去左食野﹗其實我真係幾鍾意食魚米家﹗好味又平﹗

星期四

又係勁多野做﹗

放工去左做Facial

原來小學同學搞左個gathering﹗因為有人要結婚派貼﹗

如果又唔去做Facial,又去飲﹗仲要去埋食飯﹗要千幾蚊﹗

我而家負資產負擔唔起﹗

可能因為之前食左牛肉,搞到而家皮膚差晒﹗

Tracy話有暗湧﹗

好唔開心﹗

希望Justind好返﹗


2007年9月12日 星期三

再一次折磨

上司星期二又俾左一份手寫既文件叫我打﹗

但我實在太多野做喇﹗

又要幫人搵文件、影印、羅Print Out、出Circular、買Insurance

仲有好多好多

出完Circular都已經六點﹗

我同佢講聽日先打﹗因為全份有七頁,但我只係打左一頁﹗

如果佢要我留低,我諗我要到第三朝都未走得﹗

今日,我真係無晒心機﹗因為打左成日都未整好份minutes

都唔明點解佢要咁折磨人﹗

自己打仲快過叫我打10倍﹗真係人都癲﹗

放左工就買左粟米返屋企煲粥俾Justin食﹗

雖然唔係好關事﹗但除左咁我諗唔到我仲可以幫佢做咩﹗

不過好似放得太多米﹗同埋得粟米一樣唔夠甜﹗

好煩呀﹗幫我燒左份minutes佢呀﹗


2007年9月11日 星期二

關公

星期日開始justin就成塊面紅晒,仲腫左﹗


到左星期一都係無好轉﹗


因為又見唔到佢,我真係擔心唔知會點﹗


但我咩都做唔到﹗


1234次都係咁﹗


但我唔知點先係too much


你仲要講笑話自己係關公﹗正一傻佬


放左工仲要返學既日子仲有差唔多一年 ﹗呢一年可唔可以過快d﹗﹗


上左第2堂但我仲未知呢科叫咩名﹗


我連note都無帶咁上咩堂呀???


我個心去左邊????


2007年9月10日 星期一

Sunday

無野做既星期日係最岩打機、上網、睇vcd、傾電話、食野、搵下朋友﹗

約左下星期日同表妹一齊整冰皮﹗

尋日justin好唔開心呀﹗因為佢塊面腫左﹗

星期三佢先睇完醫生諗住會好D

但點知都係咁仲要差左﹗

我唔識得點安慰佢﹗只係聽聽聽﹗

今日佢突然同我講對唔住﹗因為尋晚語氣唔好﹗

傻啦﹗唔開心個個人都會ga la

你開心返就得ga la~~~~

希望justin同我都可以好快好返﹗唔好再俾塊面折磨


2007年9月9日 星期日

元神出竅

岩岩起身,食完下午茶﹗

睇左女人本色

我發現我唔再鍾意Fiona既戲喇﹗(不過可能我只係鍾意早熟)

tor槍師妹白痴,呢套都係好白痴..........

一睇到佢就想死喇﹗

之後我地出左去灣仔食<<元神>>

有大舊到你唔信既三文魚刺身(唔知睇呢張相會唔會覺得好大呢??)

好厚好長﹗﹗

我地仲食左幾款壽司(好大舊呀)、甘蝦刺身...

赤貝最好味

其實食左大半,我地已經開始飽喇﹗(好彩無叫到章紅魚,如果再叫埋我真係驚會嘔﹗)

到最後食唔晒﹗要放棄三文魚刺身.....(真係第一次會放棄唔食,仲要唔係因為唔好味)

我地仲猜包剪X.....輸左食﹗係我輸多D...

好彩你有幫我食左件大件﹗

我地成餐除左杯茶係熱其他都係凍既~~~~~

同你一齊真係好開心


2007年9月8日 星期六

我們的Long weekend~~

等左好多日終於都星期五喇﹗真係好開心

同個同事講返尋日件事~~~

佢解釋多次﹗

算喇~~~咁執著咪自己辛苦....

時間過得好慢呀!!!!!!

放左工等埋justin就去聽一個投資既介紹....

佢想學多d投資既野﹗

成個Course得16堂但就要萬四蚊﹗

我認得幾個冊子既講師﹗

但要成千蚊一堂,真係好貴﹗(雖然政府會有一萬蚊資助)

買左我地既晚餐就返去喇﹗

試左蒸蛋﹗(一個就2隻蛋1隻黃、一個就2隻蛋3個黃)

好味﹗

OK啦﹗

之後昏迷左


2007年9月7日 星期五

原本星期日三訓得好差﹗星期四都無咩心機,無咩火﹗

點知晏晝有個同事走過黎問我,我而家係咪無野做?????

我自從做左ManagerAssistant之後日日都好多野整﹗

難整??又唔係係好濕碎﹗講真穴係多野做過之前Scsn野好多﹗

不過我唔介意因為我學多左好多野﹗(唔知學既野有無用,不過我開人左﹗)

跟住最嬲就係佢話Dept Head以為我無野做,而佢地又唔俾野我做﹗叫佢地俾d野我scan

聽到真係好唔開心﹗

我自問唔係一個好勤力既人﹗但我收得你人工我係一定會做好份內事﹗

如果唔知我缺緊咩既你可以問,你唔問我都可以問返Manager呀﹗

有一刻我真係好想同Dept Head講﹗我有做野﹗(不過咁做好似好細個咁﹗)

但你明唔明呀﹗我覺得俾人屈呀﹗

我又諗過同Manager講叫佢幫我解釋﹗但我又覺得好似唔關佢事但又煩到佢﹗

咁唔開心係因為我細個既一個Bad Experience.

記得細細個幾歲既時候﹗

有一日我真係好記得,媽咪果時響好近我學校既地方做野﹗

有一個同學既媽咪走黎學校鬧我,話我講佢個仔壞話﹗

我一個細蚊仔對住個大人可以點﹗我係咁喊係咁喊叫住媽咪﹗

咁媽咪黎左學校﹗但果個家長走左﹗

咁老師就同我媽咪講係小事﹗叫媽咪返去﹗

媽咪走左之後,我好記得個老師同我講﹗而家咁就算我做過都唔會認﹗

個問題係我真係無做過,但佢就覺得人地家長都黎得講,一定係真﹗係我唔認﹗

你知唔知果下個心有幾Hurt????

所以我講過你可以打我,可以鬧我但唔可以屈我﹗

又搞到我成晚都諗住呢件事﹗好唔開心﹗

連做Facial都無心機﹗

不過Tracy話我好左好多﹗今次進步好明顯﹗

去左四次就好左咁多﹗都值得開心既﹗

希望之後會越黎越好﹗咁咁貴都抵返﹗

係我太小氣??太執著??定係因為我係小職員而要受咁既委屈﹗


2007年9月6日 星期四

半年會點??

媽咪同爸爸會返大陸住半年﹗

平時有媽咪幫我準備早餐、午餐 (Lunch Box)、晚餐

媽咪會洗衫,洗碗

媽咪會朝朝計定杯水俾我起身飲

媽咪會朝朝幫我拑Lift

媽咪會問我幾點返屋企食飯 (但我成日都唔返都唔記得講低﹗)

媽咪會叫我訓

媽咪會打掃屋企

媽咪會買送

媽咪會買餅乾、野飲俾我同細佬﹗(雖然唔肯買薯片,同其他無益野)

真係唔知呢半年會變到點﹗

不過我會掛住你地嫁


2007年9月5日 星期三

Yahoo Bid

而家一星期一定要去返學、做Facial﹗咁算唔算好忙lei??

之前有一張 $500 coupon 但我都無用於是就試下Bid出去﹗

哈哈,原本諗住無人會買ga la….

點知真係有人買﹗

另一個同我賣同一張coupon既人賣 $250,但我就同果個人講 $300﹗好彩果個人都肯幫我買﹗最後 $280成交﹗

我覺得自己好叻﹗因為可以將自己無用既野賣左出去﹗

唔知點解好支力﹗真係好支力喇….

希望庭庭考車一切順順利利﹗


男人越愛越懶,女人越愛越煩


2007年9月4日 星期二

朝八晚十

放左一個月假,其實係一個月唔洗返學,又開始要返學喇~~~

朝早八點出門口返工,成日都好忙﹗無停過,不過時間真係過得好快﹗

放左工就等埋庭庭一齊﹗原本有野要交換﹗點知我放左響公司雪櫃唔記得羅走><

之後行左一陣就去上堂喇﹗﹗

一上就去到十點﹗返到去已經差唔多十一點﹗﹗

而家BidD我無用既野出去﹗

因為有幾支Mask未用過﹗但我之後應該會Keep住用果間美容院既Product,所以咪Bid出去lor

十月仲要去韓國﹗再係咁落去﹗真係跳樓都唔掂﹗

媽咪晤我:”點解你每況愈下既??” (佢講我個Acc呀﹗)

無計啦﹗之前實在用得太多喇~~~

又試錄唔到<<十四歲的媽媽>>咁要架錄影機黎做咩呀???


2007年9月3日 星期一

執野


執野執左一日

星期日無咩特別野做於是的起心執下我果間亂到不能再亂既房﹗

其實我有分開咩衫放響邊,邊個櫃放文具,邊個櫃放make up野﹗

不過都係唔夠位

台面放滿晒護膚品

仲有好多大盒細盒

一包二包唔知可以點放﹗

算喇﹗整返整齊小小就好好嫁喇~~~


媽咪同我講: “睇到你尋日塊面真係心痛到訓唔著 (可想而知岩岩做完facial我塊面你點啦﹗)好彩今日好返D”

放心啦﹗媽咪我會越黎越好ga la~~~


2007年9月1日 星期六

第3次做Facial

好早就醒左喇......

過左去牛頭角同Justin食Lunch﹗

送左小小禮物....

因為知你呢個星期都放晏去唔到灣仔飲涼茶,於是就帶左自家制五花茶過你~~~

好好女朋友唔係第一日知嫁啦﹗

情信3

食完就去將軍澳受死喇﹗無錯做Facial同死無咩分別﹗﹗

今次係Uni幫我整﹗

佢話: " 你呢度好似被吸血彊屍吸過咁呀﹗

不過Uni就溫柔過Tracy小小.....

最後Tracy返左黎佢都有幫我整左幾野~~~

真係好痛好痛.....就黎暈喇~~~

都唔知幾時先會完全好返???唔洗再受苦

要好好休息

我知道你都會對我好好﹗﹗


忙碌的星期五

星期五係第一日坐去Emily個位﹗

做左好多野﹗

第一次出Circular(其實都幾複雜,有好多步驟) 應該要整多2、3次先可以自己一個做....

第一次申請冷氣﹗要填Form同Print野俾Assistant Manager Sign,之後影印,再用By Hand Form寄出去.....

Satff Card

Newspaper

Stick文件角再印公司印

Book房同Insurance梗係熟晒啦﹗

有好多野要Filing呀.....做唔切

仲要整漏左小小野﹗唔知幾時我可以一個人Handel晒d野呢......

好支力呀﹗不過我會加油~~~~~~