星期六同蘇菲、Shirley先去荔枝角香港工業中心行街~~
我都係第一次去﹗響c出口轉右行一陣就到﹗
果度有好多野賣，平時果度係批發，只有星期六會做零售.....
勁大，好多款，不過真係要好有心機﹗
果日我地去到已經五半，佢收7點，都幾急~~
之後轉去葵坊﹗
先食野@韓食家
3個人叫左個2人BBQ
都幾多野食，估唔到3個都食到好飽~~
3色涼菜﹗味道都OK~~
肉就有豬+雞+蝦+牛 (好味﹗)
如果再多小小肉就好LU~~
仲有個海鮮湯.......
食食下先黎既凍豆腐~~
仲有一個石頭飯﹗你話係咪2個人食唔哂呀~~~
燒果個爐都幾好又唔會痴底﹗
SO GOOD~~
^ ^
下次會再去食~~
食完晚餐之後就去太古睇戲﹗
Justin話佢想睇異形侵略戰﹗原本以為都係一定爛尾，外星人一定又係睇與睇唔到之間果D戲~~
估唔到都幾好睇﹗幾精彩
故事好快就入肉，由陸地打上天空~~
雖然都Keep住爆爆爆...........
不過都有故事性嫁~~
中間都有出現外星人.....
你都唔會特別覺得好假 / 好怪..........
不過當中佢太小講人情位﹗
可能真係太難深入~~
入面有細路仔~~
感覺會入肉d，擔心.........
最後地球都安全渡過~~
Happy Friday Justin 神神秘秘話帶我食野，仲訂左台~~
原來就係上次佢激嬲我，我話要食餐勁既Tubino.....
上次做咩嬲佢呢!!???
哈哈﹗已經唔記得lu~~
一去到又係先食包包.....
同上次一樣好味，估唔到亦係全餐最好味 ....=.=
叫左1個set dinner同埋一個羊扒......
頭盤: 鵝肝 (justin話知道我鍾意食 ^ ^)
另外2舊係醬﹗
味道都ok，可惜鵝肝味唔夠香濃~~
意大利飯﹗justin話味道麻麻，我就覺得ok~~
但我覺得自己整既仲好味﹗
其實食完已經半飽.......
主菜2: 牛扒+燘牛
好搞笑呢d 1粒粒應該係紅菜頭~~
個燘牛都幾奇怪，味道奇怪~~
個牛扒仲搞笑﹗心入面完全係生既﹗
我地唔慣食生肉~~
無咩肉味
另外order既主菜: 羊架
賣相都幾好﹗
側邊一粒粒果d有朱古力味~~
呢碟最好味係個薯蓉﹗件羊好肥.....=.=
如果食過dicken's bar就會知道呢個唔掂~~
估都估唔到呢d朱古力味入面既係蒜頭...=.=
好搞笑﹗都係唔多識飲賞~~
甜品係雪糕+朱古力蛋糕仔+mousses+棉花糖一粒
無樣岩食......=.=
豬豬~~
呢餐勁貴，$700...sorry 唔值，無下次﹗
不過我都要多謝justin精心安排﹗希望以後你唔好激嬲我啦....
好開心﹗我加左人工，等遲d我都請佢食返餐啦~~
又同EMILY出動﹗今次揀左響3C木球會對面既BRUNCH CLUB~~
樓下望上去感覺都幾特別~
好鍾意佢幅牆呀 ^ ^
估唔到入面都幾大......
真係好適合食個休閒午餐 ^ ^
我揀左個LUNCH SET有湯/沙律
我揀左姑姑湯~~
um~~太濃.....><
個包包好硬
主菜係煎xx魚~~
sorry﹗無味﹗
自問都唔算要求高，不過呢間餐廳真係強差人意~~~
emily就叫個all day breakfast~~
佢話都係棟d普通野啦﹗哈哈.......
佢唔好味都算﹗我叫左杯hot lemon tea 成4個字都未沖到..........
叫埋單又係﹗我見好多人都自己走出去埋.....=.=
所以應該無下次lu~~~
3月11日，日本發生地震同海嘯，隨後持續個幾星期既核危機~~
其實我一直都唔擔心，因為我知道同相信日本有能力可以好快重新振作.........
見到日本人好團結，互助，佢地唔會埋怨政府有咩做得唔好﹗
面對咁大個災難，人既力量其實好細好細~~
可以做既根本唔多﹗
希望呢個咁美麗既城市可以快D復原啦﹗
之前講過訂左機票5月尾飛大阪.......
國泰最先係話可以改期/ 地方，我諗可能真係好多查詢，佢地最後話可以退錢﹗
開頭我地真係打算照去﹗
1. 相對地大阪影響唔大
2. 2個月之後咩世界都已經唔知喇
3.JUSTIN 真係好想去
4. 每一日我都有去睇大粒太個blog，見到佢地生活依舊，令我更加放心
但每一日睇住第幾號反應堆爆炸、輻射指數幾多幾多..........
(事隔個幾星期，但仲未可以fix到，信心真係會動搖)
而家仲話好多食物都有污染，不得不更改地方~~
我係讀Chem既，雖然唔叻，但我大概都知道呢d物資會對人傷害有幾深﹗
不論其傷害性，其持久影響性都足已令人心慌~~
同事話如果去到咩都唔敢食，咁都唔開心
果度既人都應該未平復，大環境始終影響心情......
仲有yen 有一陣子升穿左10，當年我去東京對7.2我都覺得貴.......
以上種種都好似好現實，不過去旅行最緊要開心，仲要屋企人放心﹗
所以不得不轉地點﹗
希望日本盡快擺脫一切危機，好快就重建好，恢復大家對佢既信心........
亦都希望我地呢一班幸福既人可以幫下佢地﹗
施比受，更有福
CELIA係我中學同學，係我既好好朋友
不過大家畢左業之後因為好多原因，小左聯絡~~
(之前真係日日都講電話，仲CLOSE 過男朋友)
哈哈...不過我知道佢一直都係對我好既........
呢份係佢買俾我既生日禮物，無錯係生日禮物~
不在乎物件的價值，只在乎你那份心﹗
謝
我揀左POKKA CAFE食晚餐~
因為我未食過，可惜都唔係幾出色..........><
我地一人揀左個飯同意粉﹗
+ $44 可以轉SET，有一個沙律同埋一杯飲品
個沙律都幾新鮮，都幾鍾意佢個汁
蝦南瓜汁意粉
呢個無咩味......
曼魚炒飯~~
都幾香，不過無咩特別，可能我地叫左D普通野﹗
味道都係普通，唔係太出色~~
我地傾左勁多野，下年或者今年年尾就會去英國讀書喇，希望你可以參加到我個婚禮啦﹗
哈哈........只要知道大家都生活得好，咁就夠lu~~
I Love my Friend~~
星期六原本落雨都唔係好想去街，不過JUSTIN去左錫波，咁我地就出左去旺角
我先去左電影中心買飛睇戲，之後行左一陣，不過我電話無電lo~~
約左響銀行中心樓下等，點知佢遲到﹗
搞到我要問人借電話......><
不過真係唔知搞咩，我呢排都無咩心機買野﹗
都好既，當儲下錢~~
響電影中心睇完戲最好就係去廟街食煲仔飯
我地2個都好愛聖子，可惜呢個麻麻.........
豆豉凌魚潤腸！
哈哈﹗奇怪的組合，但味道都ok~~
justin仲同我share左以前響英國既生活........
哈哈﹗真係80歲唔死，我地仲有新話題﹗
不過我仲奇怪，唔知點解想食粥..........
估唔到又幾好味﹗
個芥蘭就無咩薑味﹗
我都幾鍾意電影中心，唔多人，又平﹗
因為我係member 有8折 $55-->$44
同埋成日都有買一送一﹗即係$44 係2張飛﹗
上次睇完BLACK SWAN之後，估唔到咁快又睇到好戲~~
未睇之前已經聽聞口碑不錯﹗
但心諗一套自傳或電影可以拍到點好睇!!???
可能太多自傳戲都係平鋪直敘，呢套有好多笑位........
叔叔太有型
一個位高權重的人，一個要經常出席公開活動的人，一個要用自己言行影響國內外的人............
居然口吃........
睇得出男主角很用心演
套戲都幾厲志 ^ ^
無論面對咩問題，只要你努力一定可以overcome~~
要對自己有信心呀~~
其實響香港放工後除左食飯睇戲仲有咩好做!!???
哈哈~~應該就係唱k~~
都唔知幾耐無去唱k喇﹗
哈哈﹗今次既人腳有JUSTIN、蘇菲同EUGENE~~
人小小有好有唔好啦﹗
原本想去MR RED / RED MR 不過真係太貴喇，299 只係包2杯野飲~~
今次捺左灣仔世紀酒店隔離果間，以前係RED BOX而家係NEWAY......
點知同JUSTIN誤會左，佢以為係銅鑼灣同灣仔中間果間~~
行到佢死死下.......><
加$25 可以食埋K BUFFET
當然野食就麻麻，有SUSHI、煙3文魚、菜.........
蟹、雞............
有一個AREA打邊爐，不過我地放左D魚皮整到勁樣衰......=.=
仲有ICE-CREAM同埋CAKES
當然味道都係麻麻啦﹗
可能太耐無唱，一直都入唔到唱K既心情..........
由7:15唱到12點﹗個人已經好支力﹗
可能真係老喇﹗
我地仲勁唱舊歌，因為好多新人都唔識~~
我同JUSTIN講50年之後我地黎唱K係咪都係唱返呢D歌﹗定係會唱粵曲﹗
12點其實已經好支力，不過EUGENE都堅持同JUSTIN去督波﹗
算啦﹗第2日要返工果個都唔怕死，我地怕咩﹗
是日3點幾先訓......><
