第2朝又好早就起身，不過點都唔夠媽咪佢地早....=.=
呢間酒店包早餐，快快手落樓下食埋就出發喇~~
不過其實勁小款野食，下次搵過間再正D既酒店先~~
我覺得佢$730一晚唔係好抵，係個位置好.....
之後就搭酒店Shuttle出去BTS "喇DUM列"站.....
好快就去到BTS "saphan taksin"站CENTRAL PIER搭船
不過果度都幾亂，又唔知響邊個位上船，又唔知點買飛~~
船飛其實有2種Tourist ticket (150B 當日任搭，咩船都上得，有專人介紹﹗)
另一種就上船先買飛，14B一程，識計數都知150B真係好唔抵~~~
等左幾個字終於都上到船喇.......
我記得5年半前同JUSTIN佢地跟團黎過~~
N8碼頭落船對住馬路右邊就係臥佛寺，左邊就係大皇宮............
我地先去臥佛寺，之前跟團都黎過~~
原來入去要俾50B.........
做下善事，買塊瓦仔.........
之後就入去睇臥佛﹗真係好大~~
哈哈，不過好難影到張正常相﹗
入去大皇宮同佛寺都唔可以著無袖衫..........
泰國真係滿天神佛~~
最後都係捐獻下.........
除左寺入面，出面都有好多泰國特色建築﹗
唔覺唔覺都行左45分鐘，之後轉戰大皇宮﹗
其實我當時已經熱到想返酒店，哈哈......不過佢地唔肯，其實第2日黎都得jei~~
仲要我地俾個泰國人老點左，原本由臥佛寺過大皇宮10分鐘既路程，我地足足行左半個鐘，因為我地繞住個皇宮行左大半個圈....=.=
入到去門口，因為著短褲唔俾入，要租長褲，爸爸話不如佢響門口等我地............
果下我真係好嬲lo~~
我知道唔應該發脾氣，不過你話係咪激死人﹗
(其實當時已經係香港時間點半，應該食左野先行....)
最後我地都係行完先食..............
入大皇宮除左衣著有限制，仲要每人俾350B入場費
其實如果有心機真係好多野睇，不過天氣又熱、大家又嬲嬲地，真係唔太岩..............
入去喇，呢個門口真係搵左好耐呀~~
不過D建築都幾特別~~
熱死人喇......................
入到去又拜神..............=.=
JUSTIN用蓮花幫我洗頭.......
我地無咩心機，行得勁快.............
好快就去到出口果邊~~
應該係熱到傻左
成個大皇宮我覺得呢度最靚~~
不過真係好曬...............
好喇﹗到出口喇~~
皇宮附近無咩野食，我見到對面有間3文治，就走左入去﹗
早知去前食啦﹗可以俾大家叉叉電~~
叫左3個SET，一個湯﹗540B
味道都幾好﹗
食完已經係香港時間3點半，我其實無plan之後既行程~~
夜晚先去china town，我提議去silom按摩，不過d的士又亂收錢..........
好近，都要收200B，知我地去按摩又話車我地去佢果間﹗一定又係收左人錢啦~~
極之討厭，於是我決定搭返船再轉BTS去﹗
哈哈﹗其實計返14B x 4 + 25B x 4 我地只係慳左44B，一人都慳唔到3蚊港紙，所以下次真係明知做水魚都係搭的士啦﹗
仲要搭船等左好耐先有，又曬又熱......=.=
轉轉折折終於都去到SILOM CENTER POINT喇﹗
點知FULLY BOOK，我地於是訂左星期一晏晝做SPA........
訂完決定返酒店沖一沖涼，游個靚水再出去CHINA TOWN~~
沒有留言:
張貼留言