上個月同同事傾開去踩單車，約左15號，點知落雨，改期改左1月11日，其實當日我地屋企有傢私送，所以要辛苦老公自己一個搞掂.....
好彩都好順利~~
我地約左10:30 東涌地鐵等，不過搞搞下都成11點，東涌地鐵就無得租車，要租就要入去逸東村
我地搭38，都幾快，又買下野，差不多12:30 終於開始踩!!!
由逸東轉返入去東涌NP 360 果邊單車徑，轉個灣就見到呢個View，好正~~
天氣勁好，又唔係好凍，除左舒服都係舒服~~
條路好轉折，又上又落又要過呢D 神秘通道.......@@
有意思有意思~~
新天地~~~
響機鐵隔離踩~~
之後會到達奧運徑入口，原本要轉入去，點知條路封左~~~
天空偽藍色，花是紫色，葉是綠色~~~
由於另一邊被封，所以要踩馬路，都踩成半個鐘，唔好話唔危險，真係有車響側邊經過~~~
不過如果你夠定都OK~~
再經過時光隨道~~~
繼續向迪欣湖進發~~~
呢幾條柱原來係船廠遺址~~~
踩到去欣澳站之後開餐，同事帶左菠蘿腸仔，仲有白酒，加埋零食，面包~~
又發生有鑵頭無開鑵頭刀......XD
好彩另一個同事有~~~
就係望住呢個景食野~~~
4點已經到達迪欣湖，哈哈...第2次黎~~
在最好的時間到達，真係好正~~
全港最靚7-11~~~
我地一人買小小野，坐響草地上又開餐~~~
坐到5點，差不多日落~~~
因為還車要去返欣澳，我地響橋上面睇到個靚日落~~
原本話想去迪士尼食自助餐，不過好急，佢分2段時間，5:30 - 7:30 OR 8:00 - 10:00
唔想咁急於是去返東涌食海鮮，早前已經去Openrice 揀左呢間，6-9 pm有專車由東涌車入去~~~
換句話即係入去預左俾人'' 据"
環境都幾好~~~
海邊，好彩當晚Book 左露天，唔凍...........
是日海鮮~~~
其實都幾貴，一桶蠔 $144，我地灣仔街市買 $75桶，9個人叫左聖子一斤，象拔Pong $650，大瀨尿蝦一隻 $250，一條魚，魷魚，一人一隻帶子，一個咕嚕肉，蠟味炒菜心、一個雜菜煲~~~
象拔Pong 雖然貴，不過都叫新鮮.........
蠔唔係幾好，炸粉太厚，聖子唔新鮮、瀨尿蝦唔值咁貴、魚同魷魚叫正常~~
其他小炒完全唔掂...........
雖然好大隻瀨尿蝦，我分到中間一節，都無咩肉......
其他頭尾應該無野食~~~
同呢班人簡簡單單玩左一日好開心~~~
之後仲去左食Hargendaz，哈哈，唔講唔知而家一個2球叫價 $68.........
好貴呀!!!!
下次同老公黎玩多次先~!
去Disney 食Buffet~~
