又上深圳買燈

我都唔知點解我地間屋要咁多燈，因為房同廚房都未有射燈，所以我地又去左深圳，順道返大陸果邊新屋入伙~~~

我地第一站就係田貝，原來成條田貝都係賣燈，搞到我次次都係去完個商場就算........

不過因為太近新年，好多鋪都係無貨......@@

我地行到最後一間先買到五盞射燈，仲要個款係我地次選~~

我地會先裝響廚房，一套都係RMB 30，連埋一個4W LED~~

最搞笑係我地買左之後佢地先羅個燈過黎裝，又係學野既時間......

因為佢原網用烏絲，所以第一件事係要換左D 電線，加個火牛，就係呢一堆工具.....

有趣有趣~~

之後就加支燈上去，用膠水痴實~~

加埋個燈罩~~

 之後做埋連接火牛同埋背後路軌就大功告成，雖然知道個原理同埋工具，不過壞左我地都係買過過隻新既算.....XD

3個staff 忙左半個鐘就係賺左我地RMB 150，就咁睇哂個過程都抵~~~

之後我地經過一間好型既燈鋪，老公對呢支好冑興趣，RMB 750，我都覺得幾好，不過未諗清楚放邊~~~

如果我地間房未裝燈，我實買呢個，RMB 450，呢間一定唔平，但呢D 款真係好正~~

最後我地都有幫襯，買左支RMB 260 ，座台燈，好靚.........