2013年1月30日 星期三

伴娘終於都返左黎喇~~


之前應該都提過我個伴娘去左英國讀書,終於1月底返左黎喇,我仲同佢上左去揀款 & 度身,最後揀左呢件﹗

其實都幾唔錯,另外D 姐妹毫一邊博,佢呢件就2邊~~

仲揀左隻深小小既粉紅色,3月中應該有得試喇,希望出黎靚啦﹗

不過佢比起之前再瘦左,我真係要開始下減肥大計先得喇..........

之後我地又重溫返以前一齊食壽司既日子.......XD

希望有佢響度,我可以再加快進度~~

2013年1月28日 星期一

希臘女神制成品

其實個幾月前希臘女神已經有得羅制成品,不過因為驚羅完唔知放響邊,所以一直拖﹗

見去開Marco Polo 羅帖,所以順路羅埋,仲睇左一陣J 既禮服鞋~~

仲未睇岩,估唔到J 仲難搵過我



見到幅油畫我知道自己無揀錯,因為真係Feel 到好開心,仲有2本細相簿,3張大中小相 (其實D相有咩用??)


塊簽名布好細,根本用唔到,不過我覺得都揀得唔錯......

呢輯唔洗錢,完全無壓力,反面覺得唔錯......@@


之後行過去MP,見到海港城D得意擺設又忍唔住影左一陣相~~~


不過我地部機真係差不多喇,Focus 唔係幾好﹗






都會引起我地想食下朱古力 / 甜品


J 真係肥左好多.........咩事結婚先黎肥仔.......@@


最後我地響MP 太子酒店買左個新鮮出爐Cheese Cake﹗

真係又平又好味呀﹗


好味呀

羅埋帖就返屋企打邊爐﹗開心~~

2013年1月27日 星期日

Wedding Logo

之前JNC 整俾我地Comment 既佈景背版上面有個LOGO,不過唔岩心水,於是我自己上網搵左幾個Reference.

連Reference 都搵埋,照理應該好易﹗

不過我地又唔想叫佢照Copy,所以Send 左幾個款,之後佢Send 左呢幾個款俾我地揀﹗


第1個唔鍾意~~

第2個OK,不過D 字有D唔係幾岩心水,JC 又唔清楚~~

第3個個框好似最正,不過入面唔OK﹗

又唔知要等幾耐先有UPDATE 睇喇,不過我地好心急印貼 & 整印...........

早知再早小小開始,同埋一早搵定岩心水俾佢地照住黎整,而家來來回回浪費左好多時間~~

希望快D 搞掂啦﹗

2013年1月26日 星期六

印貼


原本想早小小開始派貼,因為我地結婚始終係長假期﹗

驚好多人去左旅行,不過因為LOGO, 相,樣樣野都未得,所以一直拖~~

同事話係時候開始問人黎唔黎,所以又開始做野喇﹗

都真係有幾多人會去旅行,不過而家無得擔心,盡人事順天命...........

我以為貼幾日就可以印好,點知.................原來平時印貼要預一個月,加上因為新年,有D公司唔接訂單,有D要到3月中先俾到貨,好彩之前用過一間Printing Shop,自設工場,係貴小小,不過4日起貨,真係好勁﹗


酒店張帖其實咩都無,一邊暗花,一邊咩都無﹗ 不過簡單我都接受到﹗

我地上去傾左用咩色做燙金,之後整埋個內容就可以印喇,我怕錯,問左雙方父母,酒店 confirm 地址﹗

酒店都好好,早一日打去,之後就可以去佢Reception 羅Card,我要求左200,預多小小,希望酒店唔收附加費啦~~

唔知出黎靚唔靚仔呢!??

好期待呀~~

之後又去左食牛記,原來做到4 月就唔做喇,希望係搬唔係唔做啦﹗

不過唔知係咪個個都把握最後機會,我地無BOOK既都等左半個鐘合~~


今次試左新野,鹹魚雞粒炒飯濾食得出Wok 氣),煎肉餅 (呢個真係堅好食,肉餅入面有小小鹹魚味,真係好香又脆~~)

一碟有8件,我地食唔哂,第2日焗返熱一樣好食~~

牛腩煲又係招牌菜之一,好清、牛腩無渣,好軟身,又有牛味.........@@

雖然牛唔係我杯茶,不過都試得過~~

仲有就係J 最愛咕肉﹗都好味﹗

最後仲有糖水,今次係蛋花薏米,好味~

2013年1月23日 星期三

海嘯奇蹟 (同Ceci 第一次睇戲)

印象中應該係第一次同Ceci 睇戲,中學果時真係太窮,根本上無錢~~



套戲係我揀既,Ceci 同女朋友仔一樣咩都就哂我﹗

不過並唔係想像之中咁感人,同埋D 畫面好震,我揀得前左,搞到睇完有D暈



我以為會講多小小海嘯,點知只係成套戲10份1,其他都係講之後..........

但可能唔夠深入,其實有時睇新文仲震撼~~~

Overall 唔係太特別,有D畫面有小小嘔心,不過比想像中小


第一次同Ceci 睇戲~~~



之後其實我唔係好食得落野,好彩行左一陣好左D﹗

最後去左食豚王,今次試左黑王同埋揀左淡味,好味D,不過唔知點解而家食咩拉面都覺得普通........@@

2013年1月20日 星期日

孤星淚

孤星淚一個好熟悉既名字,但係其實我唔知係講咩﹗

不過睇之前都聽朋友講左成套戲90%對白係唱歌~~

都叫有左心理準備﹗


原來故事係講法國大革命~~

故事男主角因為偷面包而坐左19年監﹗

因為唔想再受"佢坐過監" 的加鎖,佢選擇放棄之前個身份,重新開始~~


一轉鏡已經8年後,唔講真係唔知呢個係男主角~~

做左市長,都叫成功人士,不過估唔到之前看守佢既獄警,一直窮追不捨﹗


之後仲收養左一個女工既女,2個人亡命天涯~~


女兒長大之後,喜歡左個革命軍﹗



雖然經歷好多風雨,不過好彩最後都係HAPPY ENDING~~

套戲都幾長,2個半鐘,不過我都幾鍾意佢歌唱形式,好多歌都好好聽呀,不過最衰都係慘歌﹗

雖然唔可以話好精彩,不過都唔悶~~

越黎越差了


之前已經食過2-3次,一次比一次唔好食,今次見佢有新野,俾個石頭飯吸引左﹗

點知.............真心覺得唔應該再黎喇~~

叫左個新出既面,呢個味道幾好,無之前白丸咁鹹﹗

不過真係好細,個飯就真係離譜,只能講句" 圖片只供參考"~~

鰻魚有D腥味~

J 見咁小叫多個飯囤,又係好細,仲要無味,差差差﹗

如無意外真係無下次喇~~

婚紗晚裝鞋

上次響深圳買左對平價掛鞋,只係RMB 35,可能因為著一陣我都唔係太CARE~~

不過婚紗鞋就想買好D,可能覺得買得簡單D既款之後都著得返﹗

之前其實去過銅鑼灣一間專賣掛鞋睇過,唔係幾岩心水~~



上網睇到呢間Something Shine,有D款都幾好,見佢呢排Sale 於是上左去睇﹗

網上同真實有9成半似,我揀左上面呢個款~~

因為一定要新所以訂造, Plain 款$449 個踭加係水晶 再加 $100﹗

J 都話個款唔錯,不過做密頭會好D~~

就係咁決定左婚紗鞋喇﹗


望到呢對掛鞋都好鍾意呀﹗

不過已經買左就唔好諗喇.........XD

2013年1月19日 星期六

北京Day 5




黎到最後一日,要去既行程都去哂,只係得返鳥巢 & 水立方~~

我地先經過奧林匹克公園,當日都好凍呀﹗



清洗進行中........



外觀烏巢,其實咁樣都幾搞笑~~

肥豬飛躍烏巢~~



跑過~~



水立方游泳~~


原來當日有比賽,原本我地入唔到,不過導遊買左第2隻飛俾我地﹗

太好彩喇,有得睇埋比賽~~




世界杯系列賽,應該都唔係好弱~~




平時比賽池一半﹗



不過都有外國型男睇﹗



正呀~~




計分~~



不過都唔係好多人,有機會響呢個地方游下真係幾唔錯WO~~




走前快行左一陣~~



倫敦巴士~~



電話亭~~



比想像中細好多~~~

我地之後去左腳底按摩,其實一早知道佢地會SELL 浸腳既藥,媽咪又中左招, 佢本身有靜脈曲張,佢地講左好多次西醫/ 中醫會醫唔好,媽咪聽到好心動,不過佢一開口就係買一萬八,真係太貴,最後都買左九千幾蚊.............@@

最緊要媽咪浸完覺得好,不過佢浸浸下醫院就幫佢做左手術,所以有無功效!!?? 真係不得而知喇﹗

媽咪話做完手術完全康復之後再開始浸~~



之後去左食巴西燒烤,應該都係麻麻地,只係記得有人每張台問一轉食唔食佢手上串肉...........@@

下一站去左秀水市場,我應該用北京戶內女人街商場黎形容﹗

入面賣好多假野,J 好想買隻IWC,不過佢開價太低,俾人笑左幾次.........@@

最後都係咩都無買﹗



之後就去機場喇﹗再見北京,我感覺上一世人一定要黎呢個地方一次~~

下次有機會自由行試下先 =]

超正利群烤鴨



原來北京D BLOG仲未打完,今次快快手打埋先~~

去完手信店我地決定唔跟團友去食飯﹗

向目標利群烤鴨進發~~



我地今次揀搭地鐵,唔知歷史有幾耐,不過入面感覺都開始舊,保養做得唔好~~

最近手信店之地鐵站積水潭站﹗



落左車由地鐵過去都幾遠,好彩佢都幾出名,沿路問人都OK﹗

終於都去到門口,我地一早打左電話留位,等左一陣就有位喇....



D 鵝就係用呢D 木烤出黎..........好舊式呀﹗



經過門口已經見到個爐,真係用柴@@

真係聞到香味嫁..........




我地叫左個2 人餐,主要係食鵝...........

好靚仔呀...........




師傅片完就係咁,不得不讚下佢個皮,好薄、但又好 `煙`UM~~



阿姐影到咁都算叻!!!









2人餐咁多野食,我地3個人依岩岩好﹗

對面黎自Austria 既一家人食唔哂!!

一鴨2食,好正,無記錯應該係紅燒,其他3碟唔係好記得Lu..........




大廳,其實真係有D殘﹗




之後我地行左去天安門果邊,不過應該係因為18大,好多民警,氣氛有D怪﹗

我地行左好遠都搵唔到地鐵,最後都係搭左的士返去﹗XD

仲有最Last一日﹗