JC: 7月 2010

2010年7月29日星期四

叛諜狂花 (Salt)

食完大戶屋之後就去左UA睇戲，果D爆谷Coupon真係幫我地慳唔小﹗

仲可以用到9月尾﹗哈哈...抵

多謝Kenny提供咁多張俾我﹗

講返套戲，其實睇之前都睇過影評，大家都覺得唔錯﹗

哈哈﹗睇完，我都感覺幾好呀﹗節奏好快~~

戲入面安祖連娜因為要掩飾身份都有幾個唔同造型~~

不過無一個我覺得係靚﹗

哈哈，有d仲覺得好ugly~~

雖然我都知呢套係特務片，不過我都想睇下佢既sexy一面..........

Justin話佢個嘴好sexy..........=.=

成套戲都圍繞住"Salt"一個美國CIA，原來同一時間佢都係俄國特務~~

仲要係一個俄國恐怖組織特務~~

佢細細個就響俄國俾人訓練之後再被安排到美國生活﹗

哈哈，不過我同Justin都疑惑，點先保證到個小朋友仲記掛住響俄國既一切!!!???

anyway salt已經係一個變節左既特務喇~~

有幾場打鬥我都覺得拍得唔錯﹗

高速公路啦、教堂、白宮都好好~~

睇得出安祖連娜身手仲係好好﹗係個樣老左好多﹗

其實明眼人一睇就知道佢做既呢一切都係因為佢老公..........

以前我總覺得d恐怖份子係因為俾人洗左腦，佢地完全未過過好既生活﹗所以可能為左小小錢 / 俾人灌輸既錯誤觀念，而去進行自殺式襲擊~~

我很討厭那些思想太偏激的人，因為佢地睇唔到個世界其實好靚，好多野值得欣賞~~

世界和平真係好唔容易﹗

以下呢3個造型都好唔掂呀~~~

黑雨去睇戲

星期三晏晝一直都落好大雨﹗

又行雷又閃電~~

好得人驚﹗最後仲黑雨tim~~

Justin叫我check下戲院有無位可以睇戲﹗

估唔到即場都唔係太差~~

於是放左工就過左去太古﹗太古又有UA又有MCL~~

UA (Justin有coupon) MCL (佢張Card有折﹗)

所以我地都成日去睇戲~~

買左8點場，呢個時間真係好好﹗,6:30去到太古，仲可以舒舒服服食埋個晚飯~~

今次我揀左<<大戶屋>>

Justin揀左個冷面+細雞扒飯~~

哈哈，睇落好似之前食過既DON吉同豚組咁呀~~

不過加埋個冷面都仲平過佢地好多﹗

咁既價錢算係好抵~~

個冷面都幾好味，夠凍同埋個汁都幾唔錯﹗

不過D雞件太薄~~

下次可以再試下其他~~

我就揀左呢排好LIKE 既滑蛋飯 (拼豬扒)

不過我呢個餐就無咩睇頭﹗

得一杯面鼓湯~~

但都好味呀﹗個汁甜甜地，感覺好幸福呀﹗wahhahahahahah~~

生意人努力工作，得到好多回赧﹗

有成5000 wellcome coupon，1000 百佳coupon 同埋10張戲飛~~

呢一切佢都會同我分享~~

抵錫~~

食完野仲夠時間行一陣﹗

佢成個細路咁要去玩具部，仲玩人地d試玩﹗又話好想買~~~

哈哈﹗幾時多左個仔我都唔知嫁~~

而我就睇中左部Wii﹗而家有埋Mario更加想買﹗

細佬，快d買啦﹗

2010年7月28日星期三

簽名

作為fans，我當然都會想得到阿JAY既親筆簽名~~

到現時為止我有4個杰倫既簽名﹗

其中3個係我自己親手俾佢簽既，而有一個就係人地幫我去台灣簽既~~

不過因為呢個簽名我買左2隻一模一樣既碟~~

我記得應該係先買左港版，之後因為台版可以簽名，於是又買左~~

唯一唔同既就係歌詞簿~~

wow~~台版真係靚好多~~

型到呢......................(陶醉中............)

而第一個自己親手羅到既簽名就係2003年8月響名店坊既葉惠美簽名會~~

其實就算張card上面無地點，我都記得好清楚﹗

因為我好記得當時同一班以Doctor為首既女仔一齊追杰倫~~

我地仲前一日既晏晝已經開始排，夜晚仲響果度訓(仲好記得冷氣機滴水....=.=

足足24小時之後先可以上台見到杰倫

當日我仲係第2個上台~~

不過如果你問我會唔會再等咁耐，我會答:"唔喇﹗第2日一早去排好過~~"

不過當日既簽名card俾杰倫個吸印，印到污joe哂~~

哈哈，當時仲未有相機既我，仲會去信和買返當日function既相~~

不過始終自己影唔同d~~

第2次親自去簽名會係響大埔超級城既11月的蕭邦

識我既人都知道我係咩都要人陪﹗

不過果一次得我自己一個人，我都照去~~

由10黠排到3點﹗哈哈，可惜個簽名俾杰倫隻手整花左....

哈哈﹗一個獨一無二既簽名~~

最新一張當然就係響2008年九龍城的魔杰座簽名會~~

因為好近我屋企，所以我又一個人都去喇﹗

其實可能好遠我都照去.....哈哈﹗

今次個簽名無花嫁﹗完美的簽名﹗

我仲記得當日我去到，d 石Q已經話Full哂，我係自己醒目，搵個位坐低﹗

至於新碟，我原本係想買平裝，不過又為左張簽名Card而買左鐵盒版~~

唔知今次仲去唔去，不過買定無壞呀﹗

哈哈﹗期待好快又見到杰倫~~

2010年7月26日星期一

老夫老妻的星期日

好似好耐都無Cooking喇~~

見星期日無街去，於是我地2個都諗下有無咩可以煮﹗

Justin提議食栗子炆雞~~

哈哈，夏天食冬天食送!!!!???

不過唔緊要，我整個冬瓜湯俾大家飲，平衡返~~

於是2點就出門口，先去飲左茶~~

今次揀左去貴小小，不過有流沙包既嘉年華﹗

點知流沙包唔再出~~

同埋其他點心都感覺麻麻..........=.=

食完野當然就去買材料啦﹗

買左栗子、雞腿肉、薑、冬瓜、鹹蛋、急凍魚塊、仲有飲品一大堆~~

話就係佢提議栗子炆雞，不過煮果個都係我多..............

anyway最緊要佢食得開心﹗

如果可以再煮耐點，栗子再"lum"點，一定仲正~~

呢個冬瓜湯我加左佢屋企既2粒榣柱同一隻鹹蛋，個味已經好正~~

應該話佢屋企d榣柱係正野先可以咁好似~~

我都覺得好好味﹗

唯一仍負責既就係煎魚﹗

不過我覺得條魚太大陣雪味...........=.=

下次要用d燒汁 / 檸汁煎下佢先~~

之前煎既多春魚、鯖魚、秋刀魚都無呢個問題ga................

簡簡單單已經好開心﹗

2010年7月25日星期日

書展 2010

星期六約左女朋友、佢朋友、宇珊、Justin、Eugene去書展~~

先要多謝Andy哥俾左9張書展飛我~~

我地由hyatt果邊好快就入左去喇﹗so good﹗﹗

行左一陣女朋友個朋友仔唔舒服呀﹗於是佢地走先~~

唔可以一齊影相tim~~

我地由4:30行到差唔多8點，之後Justin去左踢波，我就同宇珊、Eugene去左食野

3個人食左個4人餐~~

呢間我食過好多次，第一次試正宗喇沙~~

都好味﹗不過我會揀返雞絲多d~~

蝦米暹 - 其實都唔係好知係咩...........

不過味道酸酸甜甜~~

我都幾鍾意~~

但都係喇沙好味 ^ ^

仲有一個肉骨茶

不過同我響沙巴飲果d好唔同，無咩藥味~~

甜品係咖央多士~

甜甜地﹗都幾好﹗

不過太飽食左一細件ja~~

之後Justin踢完波，我地4個又去左Dicken's Bar飲野﹗吹水....

唔知當日係咪有人生日，個場好似搞緊生日會咁....

氣氛仲更加好﹗

nice talk~~

仲食左想食好耐既洋蔥圈，因為次次都食2個main course~~

根本食唔到其他野﹗

其實呢度飲野都好正~~

又有波睇﹗仲有踢完波成身臭既臭B~~

是次書展Justin買左3本書，又係投資﹗(都好既﹗呢方面我無咩天份，交俾佢喇~~)

而我就咩都買唔到....=.=

連上海旅遊書都睇唔岩~~

Justin好支力，不過都陪Eugene去左督波﹗其實我都好支力~~

不過我唔明點解Eugene自己失戀，要同JUSTIN講話好期待我地分手﹗

仲要響我面前，雖然咁講唔代表D咩，不過講真都會唔鍾意﹗

下次講野前可唔可以經一經大腦!!!!????

演唱會商品

雖然無睇第一個演唱會，不過我就有去會場出面買野~~

真係好搞笑......

買左呢頂THE ONE既帽，到而家其實都未用過.....

而我諗之後都應該唔會用.....=.=

但又唔捨得掉左佢....

實在太多呢D野喇，可唔可以俾返阿JAY呀.....

最勁都係買左呢件風褸......

其實有3個SIZE，不過賣哂S同M喇，雖然唔岩，不過我都照買.....

哈哈，果時既自己真係好可愛呀~~

演唱會出疽幾個版本，我買左呢盒Live VCD~~

後面係有一隻阿JAY既FIGURE...........

哈哈﹗仲可以換手

買左VCD之外估唔到自己仲買埋CD...........

哈哈...CD其實都買齊，估唔到連演唱會CD都買~~

我諗我可能係想要隨碟附送既Poster....=.=

到2004演唱會，我無買好多野，不過都有買CD..........=.=

可能係為左七里香隻MV~~

佢拍既MV真係好高質嫁~~

當然唔小得DVD啦﹗ ^ ^

好想快D睇多次﹗

但好奇怪，2007既演唱會我DVD、CD咩都無買﹗果年仲係咁e問左Justin睇唔睇就算喇~~

唔通我而家真係迷上左第2個!!!???

2010年7月24日星期六

反斗奇兵3 (Toy Story 3)

食完Dicken's Bar之後就去左睇< >

成個故事都好好笑~~又好感人~~

我忍唔住喊呀...><

轉下眼，安仔已經入大學﹗

其實講真可能中學，同小學玩既玩具都已經好唔同喇~~

更何況已經入大學~~

但佢仲係好鍾情胡迪﹗

其實令我最感動既係胡迪對同伴不離不棄~~

見到佢地一齊手拖手，唔知點解就......................

當巴斯佢地以為安仔唔要自己，而意外去到一個兒童中心﹗

以為一切都會好好，會得到好多小朋友既愛~

其實玩具DESIGN出黎都係想同人玩﹗

不過人真係貪新忘舊..............

Justin話佢都好想返屋企玩下d玩具~~

笑位真係超多，巴斯講西班牙文，薄餅薯蛋頭，飛天胡迪，煩煩3眼仔，阿KEN同巴比~~~

其實成套戲都好好笑~~

唯一我覺得唔夠好既係.......3D唔夠突出~~

同埋胡迪個女朋友點解會鍾意左巴斯............=.=

有咁熱氣食咁熱氣

Happy Friday~~見Justin都差唔多好返哂~~

佢又真係好想好想食扒.......

所以終於都去左食Dicken's Bar~~

都成2個月無食喇.....

是晚出左個crispy豬手~

雖然好想食返羊扒，不過又想試新野.....

個皮真係好脆~~

d肉仲有肉汁嫁....

係個皮乾左小小~~'

so far都幾好﹗我地唔敢叫全個，不過叫左半個都好大件....

鍾意佢可以揀沙律做配菜...........

Justin仍然係鍾情牛扒~~

哈哈........其實都真係幾好味﹗

我地仲一人叫左一杯MOCKTAIL~~

Dicken's 真係咩場合都岩去﹗

是晚仲有一人一甜品送﹗

nice environment, nice dinner, nice boyfriend~~Perfect~~

失望的2002 Concert

2002年年尾杰倫第一次響香港開concert~~

身為super fans既我，當然同身邊一班朋友仆住去睇啦﹗

我地仲排隊買到第21行飛，即係280既第一行~~

呢個價錢對於當時仲係學生既我地，已經好貴ga la........

但Sammi既一個朋友，話可以幫我地買到480第2行~~

當時大家雙眼發光﹗

但又無可能一次過睇2場，於是就放左280 d 飛~~

俾錢等睇480，第2行....

但萬萬想唔到到concert開喇，我地都未有飛~~

唉﹗雖然最後羅返錢，不過一切都唔同左.......

同學心入面果團火熄左~~

而我亦都小左一班同我一齊追阿jay既朋友~~

直到2004年佢第2次黎我先有機會聽，果一次我無搭人買﹗

我揀左自己去排隊~~

都唔錯呀，買到第3行~~

其實排隊係好搞笑既，話說我地揀左我個fd樓下間tom lee，我地夜晚十一點就去排喇，諗住排到第2朝，點知個石Q唔俾，話商場Close之後我地都係要走，於是我地上左佢屋企訓，4點幾果時落樓，點知已經有一大堆人排喇﹗好唔開心.....><

之後我同排第一果個講我地之前都有排，不過俾人趕走左，我真係好鏜意，叫佢俾我搭埋佢買，點知佢真係肯.......

wow~~所以真係好好彩~~

我響xanga都有記低睇演唱會件事呀~~

12/11 第四場演唱會

完美的周杰倫、完美的無與倫比、完美的三人合唱

緊張左成日，終於都到八點半，正式開始﹗一聲爆炸聲把我嚇傻了﹗三幅紅布由紅館頂掉下﹗你就從中間坐在十字架寶坐從天而降﹗好特別﹗今年真係同上年唔一樣，無左上年既華衣，但你講今次主題係以歌會友，我想講你做到啦﹗氣氛很好，好到我唔知可以用咩說話去形容。我完全無諗過你會用以父之名做開頭，七里香作結﹗

當你唱我最愛的”星晴”時，我真係忍唔住，<愛我別走>，<償還><獻世>你既廣東話真你進步好多﹗吹笛同埋最拿手既鋼琴，令我進入瘋狂地帶，每次你走向我，我們都會拚命衝出，希望跟你握一次手，但實在太難啦﹗雖然在機場左手、右手都握過，但你一邊唱歌一邊握感覺一定好唔同﹗你實在太照顧我啦﹗不時望著，走向，向著我唱。“雙刀” “亂舞春秋”正到暈﹗而我最愛既情歌部分，當然更投入，我們不停揮動手中既吹氣棒棒，企到腳支力，伸到伸到被人打到，X高腳搞到腳抽筋，你仲要跳舞﹗雖然唔係好多但我睇到你真係好努力，好好睇﹗

到後半部分我們三個企足全程，睇到好多人企起身，大叫，真係好感動﹗我真係好鍾意拚命叫，雖然你未必會聽到，但唔重要，因為我支持你，你唱最後一首<七里香>既時候真係好好好好氣氛，“雨下整夜……”我唔會忘記﹗連前面坐著的人都站起來﹗“晴天” “止戰之殤” “藉口”……好多好多我想睇我想聽既都有出現，真係好開心﹗我更想不到你會唱“雙刀”周埋“梯田”。 “香港的歌迷係最熱情既”我會記住﹗我衝出去差唔多五次，好開心﹗超近﹗你又用你既“磨打口”唱，快到……雖然唔係全部都聽到，但我就係鍾意你咁﹗“將軍” 你扮聲，超可愛﹗真的結束啦﹗你降落台既一剎那，我沒有了以前你走果時既悲傷，只有滿足﹗我真係好開心，下年我都會同你、你睇。