上海酒店

訂左機票都成半個月......

呢排都有keep住睇下酒店，不過上海既酒店真係好多，成千間﹗

雖然我自己目標好明確，要係6xx-7xx，4-5星﹗位置要近地鐵 / 世博

但都仍然有好多choices~~

經過plan行程同埋芷慧既意見之後........

我揀左2間﹗

(因為我習慣次次去旅行都唔會住定一間酒店，如果果間酒店唔好咪大件事.....)

有好多人話要轉酒店咪好麻煩，其實你唔洗咩都帶埋過去第2間酒店ga ma，可以將唔用或者用過既留響第一間酒店，到上機前先羅返，最緊要係plan好路線﹗咁就唔會麻煩啦﹗

第一間嘉匯華美達大酒店

上海嘉匯華美達大酒店（Ramada Plaza Gateway Hotel Shanghai）地處徐家匯的中心，上海最繁忙的中央商務區之一。算圖車程至地鐵，內環路。附近一些旅遊景點有上海植物園，徐家匯教堂，上海博物館，上海動物園。

位置
酒店15分鐘車程至虹橋國際機場。周邊有新天地，豫園等旅遊觀光景點。

房間
所有480個房間配備現代化的便利設施，提供旅客舒適愉快的住宿。

餐廳
酒店提供美式自助早餐。西餐廳提供多種美食。

綜合
設備齊全的13個會議室適合舉辦會議、研討會及其他活動。閒暇時，旅客還可以在設備齊全的健身房健身，或在游泳池舒展身體。酒店還提供高速上網服務，您可以與同事，家人和朋友保持聯絡

(泳池都幾靚wo~~)

我揀佢係因為佢位置幾好，近4號、9號同7號地鐵線，搭4個站就可以到世博門口，或者的士都唔係好貴，因為佢個地址係話響2010世博會，但我怕塞車，都係考慮埋地鐵穩陣﹗佢d房好多個website都差唔多﹗都幾靚~~

仲有kitchen，又係五星﹗又唔係貴﹗

我compare過價錢既website有

AGODA: http://www.agoda.com.hk

HOTEL CLUB: http://www.hotelclub.com

ELONG: http://www.elong.com/

 

如果響AGODA 訂2晚就HKD$1385，響HOTEL CLUB 就HKD$1326

 

ELONG就要俾人民幣，同埋貴過果2間﹗

 

最後我都經AGODA訂左，因為上次去CEBU都係經佢訂好安心~~

 

同埋有HKD200回贈﹗

 

有一次我經陽光網訂大梅沙酒店，點知去到搞左一大餐佢話無左我原本訂果種房，感覺好信唔過﹗

 

 

第2間商悅青年會大酒店~~

 

講真一聽到呢個名我就唔多鍾意喇﹗不過佢都四星嫁~~

 

上海商悅青年會大酒店(Marvel Hotel Shanghai)傳統中國風格建筑，是商務旅客及觀光旅客的理想住宿之選。

位置
賓館位於繁華的上海市中心﹐4公里至火車站。酒店靠近豫園，上海劇院。

房間
酒店共有165間標準客房及豪華套房。所有房間內置衛星電視﹐煙霧報警器等現代化設施。

餐廳
酒店餐廳及咖啡廳提供多種美味西餐和中餐。

綜合
酒店還提供設備先進的商務中心及會議宴會設施。旅客可以在設備齊全的健身中心健身，享受按摩服務。閒暇時，旅客可以在市區及其週邊觀光遊覽，如上海音樂大廳。

位置正到不得了，響正地鐵上蓋﹗附近又多景點﹗同埋最緊要佢岩岩重新裝傷過，搭的士去世博都係5-10分鐘﹗咁既位置，真係好吸引~~~

 

響AGODA訂就HKD$1576(2晚)，如果響HOTEL CLUB (2日前就HKD$1534) ，尋日就HKD$1586﹗哈哈﹗所以最後都係響AGODA訂算喇~~

 

 

其實響訂商悅青年會大酒店之前我睇中左<<上海華美國際酒店>>

 

位置差小小，不過佢間房都幾好﹗個大堂都好靚﹗

 

 

唔知係咪顏色問題，覺得佢好過商悅青年會大酒店~

 

響AGODA訂要8XX，但響HOTEL CLUB只係788，不過到想訂果時已經滿左﹗可能天意想我訂AGODA~~

 

 

仲有一間我自己好鍾意，上海麗悅酒店，不過響浦東，附近無咩行，去地鐵都遠﹗

 

不過佢間房真係好GOOD﹗個個住完都讚好﹗

 

上星期睇仲做緊PROMOTION 經HOTEL CLUB訂一晚HKD$767，過左2日已經加到HKD$892，唔緊要啦﹗反正佢位置唔好﹗

 

 

上海麗悅酒店連睇相都俾到5星級既感覺我﹗

 

下次我一定會住到呢個集團既酒店既.............

 

好開心﹗上海既野終於搞掂﹗Justin都有話我抵鍚﹗咩都搞好哂﹗唔洗佢煩﹗YEAH~~

 

可以開始Plan行程喇﹗