與周杰倫的第一次

9月阿Jay就會再黎香港開演唱會喇~~

呢幾日我異常咁興奮.....

仲搵返好多以前既野﹗

好想，真係好想寫返低我由2001年到2010年呢9年同佢之間既點滴~~

當然呢一切都係源自2001年，我第一次同佢見面.............

當日應該係2000年12月7日，因為同一日我當時最好既朋友生日﹗

我從報紙知道，阿Jay會去將軍澳(應該係東港城﹗) 出席東華慈善show~~

於是約埋2個同學3點幾就入去等喇，當時應該大家都係第一次入將軍澳......

我諗住睇埋阿Jay就返去同個朋友慶祝生日﹗

等等下大會仲安排我地坐入去﹗

點知等下一個鐘，等下又一個鐘......=.=

到差唔多8點阿Jay先出黎﹗

其實我係又擔心，又開心~~

擔心 - 係因為知道朋友等緊我，佢等緊我返去開生日會，而個生日會得她Daddy、媽咪、另外一個女仔同我.........(其實可以想像到我地係幾好朋友﹗)

開心 - 我真係可以好近見到阿JAY~~

對當時既我黎講，呢個機會好難得........

同埋當時仲係細，唔識得分輕重﹗

我記得佢當時應該係唱左"開不了口"﹗不過只係有一個大概既記憶~~

阿JAY當時仲係好純品樣，傻傻仔仔~~

同而家其實都唔同左好多喇~~

我都唔知點解自己會鍾意佢咁耐﹗

可能都關自始之後，我朋友嬲左我...........

當晚我差唔多12點先到佢屋企，雖然都如常地食蛋糕~~

不過我知道我地唔會再好似以前咁喇............

但我完全明白點解佢會咁......怪只可以怪自己﹗

雖然件事都過左咁耐，不過如果我諗返，都會有唔開心~~

哈哈﹗我仲搵到張果時我同D同學一齊既合照....

wow~~10年前既照片大公開﹗

唔知你認唔認到邊個係我呢!!!!???

PS: D相應該係仲用菲林機嫁﹗真係超經典~~