第一次同宇珊睇世界盃

星期五晚原來想買送返屋企煮飯，不過Justin成七點半先到灣仔﹗

咁都係響街食完之後安安心心返屋企睇波算喇~~

星期六佢要去飲，我就去睇醫生﹗

點知晏左出門口，應該要6點先到到，醫生張card上面寫住收6點，點知我打去，姑娘話5:45之後醫生就會走左ga喇~~

其實真係好山長水遠入去沙田...........

之後好彩Justin響度，佢幫我叫左醫生聽之後，叫佢一定要等我，等到6點.........

好彩醫生都答應左..........

哈哈...Justin問我點解唔爭取，咩都係人地講左就聽，佢話我有時太軟弱.....=.=

算啦﹗我有個硬淨既男朋友咪得lor~~哈哈哈.........

之後佢就去飲，我就同宇珊去左旺角食飯~~

揀左我未食過既<<笑笑>>

感覺同和民都好似，應該係同一集團~~

2個人叫左2杯野飲，一個冷面、一個沙律、一個Pizza、一個串燒盛....

我好鍾意個沙律呀，不過多汁左小小，個Pizza都ok~~

但係個串燒盛就........=.=

又乾又硬又唔好味﹗

個冷面都普通~~

食飽飽之後都有諗去邊睇波，點知K滿哂，去到太子酒吧又係勁爆﹗

再唔係就係300任飲﹗

其實我係唔飲嫁，我有酒精敏感，係諗住黎飲小小Cocktail，同埋感染下氣氛.........

咁既情況，於是我2個就即搭的士返屋企，最後都遲左成半個鐘﹗

岩岩到宇珊屋企，Justin就打俾我，話佢都到左太子酒吧......=.=

不過佢會飲ga ma，所以分開玩都不失為一件好事﹗

最後德國好厲害地贏左4:0，估唔到uncle最支持既阿根廷連一粒波都入唔到~~

不過德國真係好勁，no matter防守 / 進供

人又跑得快~~

好彩德國都有一個車路士球員 - 波歷克

見到佢好開心呀，下季車路士唔再同佢續約喇........

希望佢都有好發展啦﹗

PS: Justin佢地好早就走左，飲到一半都唔知有無，其實對新人好慘，咁岩係世界大戰，而班朋友又好鍾情足球....=.=

我諗Justin一定一邊飲一邊睇錶....好心急想知道踢成點﹗

所以我同佢講我地唔可以4年之後結婚，唔係會無人黎飲ga...........hahahahhaha~~