新居一星期

星期六搬入新屋，訓左一晚，果一晚感覺好舒服，2個人有時自己忙碌~~

有時坐埋一齊睇電視，食下飲下!!!

物2朝訓到自然醒~~~

星期日就返左奶奶度，因為老公要睇波.......

仲話新屋一定要裝齊Now, Cable & HKBB......@@

星期一返左奶奶度食飯，食完好懶唔想搭車返新屋.......XD

星期二老公又幫公司出戰左一場比賽，今次公司D 同事好勁，先入一粒，守到最後，1:0

踢完波又話D 衫污Joe，要返奶奶度俾工人姐姐洗~~

直到星期3開完會先第2晚留響新屋果邊，我地買左外賣上去食，就係香港仔南記，香港仔的第一餐是香港仔南記......XD

無法啦，我地連電飯煲、水煲都未有~~~

其實仲有好多野未齊，洗衣粉，洗潔精......

師奶新手做左Research，最後揀左花王洗衣粉，因為係小泡又無磷~~

洗潔精就揀左個環保配方，希望減小污染!!

星期四就請左半日假整頭，原本想剪短，但整左負離子又唔捨得好想留長~~~

哈哈，我都係鍾意長頭髮多D.........

整完頭都係5點幾，於是返左黃大仙，因為媽咪返左黎，所以有靚湯飲，原本佢已經煲左西洋菜豬骨，但一聽到我話返黎，即刻煲左個花膠雞，想話自己唔係公主都唔得，鍚到我濃!!!

飲完湯就去Meet Up 女朋友仔，好好笑，我地一個去左九龍塘，一個去左觀塘，最後去左九龍灣Meet 返!!!

2個都係大頭蝦........XD

女朋友仲同我研究慳錢秘技，真係好搞笑~~

邊個娶到你真係執到寶!!!

星期五又要開會，好彩今次開到8點就散........

散完即返香港仔，老公又執左D 野過去，訓醒就上大陸!!!

其實我真係好期望可以響新屋煮一餐飯，可惜過年前真係好忙..........@@