山打根

上次去沙巴之外其實仲去左斗湖，斗湖(地圖右下) 係我去過海水最清既地方，第一次同海龜一齊游水既地方﹗

真係印象深刻，果種好似泳池水一樣既海水，五顏六色既魚、珊瑚，真係畢生難忘~~~

我諗沙巴既好印象，斗湖佔分不小，呢期因為老公Reject 左我個10月 / 12月 歐洲之旅，所以我集中火力搵下沙巴資料，估唔到又發現新大陸

我搵到完美假期有個2D1N Tour 係去一個叫 Selingan Island (俗稱: 海龜島) 既地方，呢個地方睇到海龜生蛋..............OMG~~~

原來佢位於沙巴東北，係山打根對出海島，雖然每年3至10月先係合適既季節前往，但我見到有Blogger 2月去都睇到﹗

再搵深入D，佢附近有個叫Lankayan Island 都好靚

我見到D 相有同鯨鯊，魔鬼魚，真係好吸引呀~~

不過自己Book 機票，仲要Tour 費 RM 400，導遊費 RM300，都唔平，不過時間係另外一個問題，我得5日時間響沙巴.................

2月13 日1點到沙巴，

如果2月14日去山打根，

2月16日夜晚返沙巴

2月18一早就返黎香港，即係沙巴留既時間得日半

唔知老公會唔會陪我痴線喇~~

其實就咁睇相 / 紀錄片，我已經覺得好感動，唔知現場睇係咩感覺~~~

我人生有幾個目標，同鯨鯊游水係其中一個，同埋好想睇D 海龜BB 出世呀.......................

海洋狂迷又發癲