大埔踩入大尾督

上年同同事由大圍踩過去大尾督，之後愛上左呢條線，不過老公話唔想太辛苦，所以我地由大埔開始，其實如果完全唔休息由大埔直入應該一個鐘左右會到~~~

先去火車站旁租車，$50 一架玩一個下午抵啦!!!

經過火車站 (第一次推單車入去火車站好搞笑!)，就到左單車徑，向大埔海濱公園方向前進~~

好快就到左公園，我地見到好多人放風箏，於是又八掛下，坐底埋食個簡單午餐~~

風箏升緊上去.......

有好多種類的魚，成個天都係~~~

唔講唔知而家放風箏都好Pro......用D 好大個圈，一放放成4, 5 隻上天~~~

我地睇睇下突然落雨，於是又避左成半個鐘雨，之後經過工業城.......

再沿單車徑慢慢踩，3點半終於到達大尾督，上FB 見到有人響呢度附近，龍尾灘摸到好多蜆.....

於是又走去八下，可能當日未係水退得好勁，我地都唔係見到好多人，只係有2個Family~~

我地八掛左人地有咩收穫，好多小蟹，但蜆又唔係好見到......

仲有一班年青人執緊垃圾，我地原本想落水，不過見到佢地咁有心，都唔想破壞環境.......

加上老公好搞笑，帶左膠 "更" 同叉仲有木筷子........@@

呢度D 口好清，雖然好多石頭，不過見到好多寄居蟹、魚仔.......

學人執左粒蜆，不過影完相就放生~~~~

行行下，估唔到見到彈塗魚........

OMG，我之前只係響米埔見過一次，好得意，響泥上面彈下彈下~~~

見到咁多種類既生物之後我好希望大家唔好去龍尾掘蜆，因為咁會影響左果度既生態......

希望下次去行，都仲見到咁多生物啦!!!!

之後我地上左去水庫大霸，雖然無陽光，不過一樣感覺好舒服~~

之後一直去到大霸盡頭就回程喇~~~

見到好多人燒野食，勾返起以前中學黎呢度Picnic，好多野都無變.......

呢度仲可以釣魚，踩單車、BBQ，下次同埋媽咪黎~~~

每次踩完單車，我地都會去大圍食客村香，點知今次諗住試新野就出事........

見佢隔離鋪都有乳鴿、又有雞粥，好似幾唔錯!!!

點知試左以上呢幾味，都感覺好失望~~~

有時環抱大自然感覺真係好正!!!