Our Galaxy Holiday @ 議事廳

原來不知不覺已經2年無去澳門喇，前幾年真係一年去幾次呢個地方，隔左咁耐去，其實感覺上無咩唔同﹗

不過就發現好多鋪頭執左，真係一年人事幾翻新~~

其實果2日天氣都麻麻，陰陰地，有時落大雨，不過好好彩，我地一出到戶外就有小小藍天，所以呢2日好開心﹗

落船第一站就去新埔京之後行過去議事廳~~~

雖然食左早餐，不過去到已經差不多12點，搵餐廳醫肚﹗

J 話同事介紹福隆新街有間粥好掂~~~

由街頭搵到街尾，點知原來要再行入小小，同埋原來人地唔做晏晝~~~

無機會食LU~~~

J 話覺得呢座樓好懷舊﹗好舊就真~~~

之後試下搵銀禧面家，位於國華戲院商場對面，我地搵左幾個字，之後發現原來執左....

唔怪之得，搵極都搵唔到﹗

真係出師不利~~

因為到左大三巴附近又買左金錢餅~~~

而家超貴，$10 只係得9塊，不過呢種味我真係好愛~~~

J 仲買左個豬扒包，個包唔好味，豬扒OK~~

行行下真係去左大三巴，影左二張相

哈哈﹗呢個角度真係好肥~~~

原來大二巴隔離有間大利來，有人話好味，有人話唔好﹗

味道既野真係好因人而異，我地岩岩食完所以無買，第2日去左食新好利~~

可能我唔太好豬扒包，覺得間間差唔多味~~

之前響福隆新街就鬼影都唔多隻，呢度就人頭湧湧............=.=

之後我地搭巴士去返碼頭轉車返GALAXY CHECK IN~~

好期待呀﹗