深圳遊變九龍城遊

真係好無奈，星期六原本係上深圳按摩，點知過左羅湖橋，去到深圳關口，Eugene 個證先俾公安發現過左期.....

原來都有2個方案可以行，1. 沿路返返香港 2. 中旅Counter 整個Visa ，不過要500 - 600，仲要等2個鐘~~

我地最後揀左1，真係沿路返返香港，我地要先響羅湖橋果邊登記，之後行返去香港果邊，逆流行到香港果邊橋頭就會有香港阿Sir 接手，牖我地做返入境手續，唔洗上落一層，之後去返地鐵出閘位，上返一層樓梯就搭到地鐵返去喇~~

因為老公真係好想按摩，於是四圍打去問人邊度有得按，其實果下我已經好支力，嬲又唔係，係覺得好支力，搭左43個鐘車，一事無成﹗

最後揀左去九龍城足樂人家﹗

好彩打左電話問過時間，原來BOOK左6:30，都要等到7:00先有得整，地下係按腳，樓上得4間房~~

不過感覺唔算超乾淨﹗

走廊都算光，房入面好暗，我地3個人一間房，我見其他人都係換左條褲，所以最後我咩都無換~~

幫我按個姐姐好恐怖，好大力，大力到係痛，我忍唔住同佢講左3次細力D，可惜，佢都係果下有反應，之後又大力返

第2日發現個身腫左....

價錢雖然唔係貴，不過唔想貼錢俾人打，所以應該無下次~~

俾人打完一身之後去左食泰國野，泰發，叫左個柚子沙律、鹹魚炒芥蘭，蠔仔蛋、青檸燒牛肉 & 大頭蝦粉絲煲~~

樣樣野食都好好味，燒牛肉食到炭味，可惜太辣~~

沙律又係辣，搞到J 其他野都係食到辣味ONLY﹗

粉絲煲最貴反而麻麻，油左D，D 蝦唔係特別新鮮~~

食完仲有Quota 食埋金玉滿堂糖水，我叫左個蘋果海底椰，J 叫左個白馬王子 (芒果、椰果、椰汁黑LOR 米)

2個味道都麻麻..............

呢個行程真係好累人呀~~