天神橋筋 & 地魚屋台屋

哈哈!! 隔左半年先打返大阪個遊記，因為我真係好想完成佢!!!

上回提到我地去完大阪今昔館，時間已經係5點，Lunch 只係食左個大阪燒已經好肚餓，不過目標餐廳" 地魚屋台屋" 開門時間係5:30~~~

於是我地去左天神橋筋行左陣，點知一行不可收拾，真係好多野賣，又好岩價錢，不過都係先醫肚先.........

可能時間尚早，都未有人，我地揀左靠墻邊坐低~~

當日落雨，坐入D 舒服D.....

開放式廚房，好多日文字，好地道~~~

第一時間準備Oder~~~

其實都唔係好記得野食既味道，不過應該樣樣都好新鮮，睇相都知.......

個波波海膽飯好正，不過始終無第一次響築地食咁甜，到底仲有無機會食到咁靚既海膽呢!!??

最開心係一台都係食物~~~

我有印象係個蜆湯，真係超鮮甜......XD

 

有人驚唔夠喉，另外叫多左個海膽，不過我記得最後係夾硬食....可惜可惜~~

天婦羅都試左幾款，不過印象唔深~~~

很地道，價錢唔貴，新鮮，味美!!!

2個人食左咁多款都係5500Y，點解仲記得!!?? 因為我地有Record~~

下次一定會再黎~~~

 

食飽飽當然又係時候去Shopping﹗過返去地鐵站附近天神橋筋~~~

 

行完先知呢條係全日本最長商店街，我地只係知行極都唔到尾......@@

 

均一 Y 2,100，即係HKD 160，有部分Made in Japan~~~

我買左3對，其中有一對仲減到去Y 1,000 ，有無咁抵呀..........

 

6町，5町，4町，之後我地用跑既方式，都係跑唔到終點，不過係時候要折返，因為大部分鋪開始關門

 

就係咁一望無際~~~

 

超多鞋~~~

 

超平~~~

 

雖然D 款未必係最興，不過真係好抵買~~~

之後我地行返去地魚屋台屋果邊，去左天然溫泉度浸左浸，第一次赤身露體咁同一大班女人浸溫泉感覺好正~~

溫泉位於一座大廈天台，分室內同室外，果時落住毛毛雨，真係好舒服，不過我地唔記得帶毛巾，要買一條，毛巾好有用，沖涼用它，我浸溫泉卷起D 頭髮都係用佢，呢個溫泉都係2日卷包埋既......

原本想去埋梅田睇夜景，不過太夜趕唔到喇，唯有下次啦﹗

之後我地行左一陣超市就返酒店休息，完成左是日活動~~~