之前去龍尾諗住摸蜆，不過摸唔成，於是再計劃去最出名摸蜆的大嶼山水口~~~
是日天氣好好呀，藍天白雲，小小風，勁正，好耐無吸過咁新鮮既空氣喇.......
我地約左12點東涌等，不過我同老公又遲到.....@@
行左個幾鐘東薈城Outlet，之後就出發喇，一早上網睇左可以搭11號車，原來23都到，不過貴小小!!!
當日好多人等車，我地等左3架 車先上到，一架車坐到7X人，可想而知真係好多人搭車.........
睇指示牌係20分鐘一班，好彩可能巴士公司知多人，加開左幾架車我地都唔洗等好耐就上左車，先上山再落山，見到塘福，好靚~~~
落左車我地就經過水口士多，5個人租左人地一份工具 (泥扒、膠櫈、膠桶) $15 份~~
之後沿士多路落去泥灘.......
見到好多牛同埋雀仔~~~
牛BB 飲奶中........
路太窄要一字排開~~
終於都到喇，好多人玩wind Surf~~~
加埋個藍天堅正~~
媽咪急不及待即刻開工~~~
蜆其實唔係我既目標，吹吹海風，玩下就夠~~~
我主力係幫大家影相~~
老公好勁，一落去無耐就摸到隻大蜆，其他好多都細......@@
成家都勤力~~
老公話手套都好重要，因為會摸到D 沙入面D 蜆~~~
我地見到好多人捉D 類似聖子既東西，好多，好厲害~~~~
努力的成果~~~
我上網睇過水退得最盡係7點，所以我地一直摸，D 水一直退~~~
不知不覺摸左3個鐘，6點開始太陽落山~~~
係時候放返D 細蜆回歸大自然......
不過媽咪仍然帶左好多，我覺得細既蜆走，我志在玩樂，媽媽太注重成果~~~
見到海鰻BB，仲見到彈塗魚、蝦、蟹...........
執左D垃圾走，不過近岸有好多~~
日落美景~~~
水退得好勁呀~~~~
個泥灘超大﹗
返到去士多，退還工具，士多仲叫我地用佢D 水洗腳，呢 $15 好抵俾，雖然對面洗手間都可以沖下腳~~~
經過呢次之後，我發現帶拖鞋(好多貝殼，好易整損)，櫈 (有得坐下休息) 同 " 咩" 背囊 (無地方放野，"咩" 住最安全) 都好重要﹗
之後我地搭返11 號出東涌，知道青衣戲棚最後一天，又去左湊熱鬧~~~~
不過人真係好多，多到好恐怖，根本上買件任何食物都要排好耐~~~
全部都係人.....@@
我地只係霸左後面D 位，睇左一陣免費大戲就走喇~~~
過左去長發村酒樓諗住食晚餐，點知變左打邊爐~~~
其實食物質素OK，環境都OK，服務都唔錯﹗
食左2碟蠔，2碟蝦，10碟肥牛 (4片一碟)，10碟脆肉鲩.........XD
餃都唔錯~~~
其他都係普通料﹗
一家人咁樣玩左一日，真係感覺好開心呀，不過就真係好支力，第 2 日周身都痛......@@
爸爸天堂上面有無得摸蜆嫁，掛住你﹗
沒有留言:
張貼留言