岩心水髮型師難求

自問我D頭髮都幾難搞~~~

陰果度有D孌.............

我又唔鍾意長陰，所以一唔電直佢就會好亂﹗

一年平均都電2-3次﹗

去日本前都想搞搞佢，可惜一坐要幾個鐘真係好難就時間~~~

星期二因為我想陪爸爸去睇醫生所以放左半日假﹗

雖然我呢一年已經放左好多假，不過原來仲有10日未放~~~

唯有平時放一日半日，當抖下都好﹗自制4天工作都唔錯呀﹗

見睇完醫生只係3:30，我就去左屋企樓下間SALON整頭~~

呢間SALON剪過一次，整頭都係第一次﹗

不過應該都係唯一一次~~

因為上次個髮型師已經走左，感覺上佢有心機D，今次試左個新既﹗

我一入去就話想電負離子 ($570)~~

咁佢就SELL我加錢用D好D既藥水($700)，我想染埋，佢話如果用埋好藥水就 $1200

用無咁好既藥水染就 $1100

而家D人整頭原來咁貴，我真係好想知D學生係點俾到咁多錢﹗

因為第一次都唔係好敢俾太多錢﹗於是揀左 $700用好D藥水.........

個新髮型師問完我想點整之後就無再理過我﹗直到剪頭髮果下﹗

可能之前果D都會過黎睇下，佢理都唔理已經扣哂分..........

之後都係洗頭、落負離子膏~~

其實電過咁多次，我大概都知落到咩位係會好D﹗

但好奇怪我見個助手只係幫我揸有色果D = 上次岩岩電左仲係直果D..........

之後佢同我講係髮型師話唔可以整得太貼，但我想話黑色果D先係我想電直，黑色果D已經生左成7-8 CM，留位係唔洗留咁多﹗

我話我D陰比較亂佢於是幫我個陰揸貼小小，其他佢都係唔理﹗

又扣分﹗

同埋我同左個髮型師講我唔想條界咁明顯........

但佢個助手根本上就唔知我想剪咩頭﹗佢整果時仲分到條界有咁明顯得咁明顯

整下等下已經差唔多9點，即係我已經整左成5個鐘，最後個髮型師終於出現﹗

佢話我想剪果D頭應該係吹出黎，唔係電負離子電到﹗下次黎教我吹

佢到底係咪玩野，我電 左成5個鐘先同我講D咁野﹗

仲要浪費我 $700 ........

你整唔到我想剪既頭唔該一早出聲，唔好SAI我時間呀﹗

所以呢間野一定無下次﹗

其實我要求好簡單，個陰電返整齊.........

唔通真係得佢整得掂我個頭!!!???

我最想整返呢個髮型~~