初嚐激光脫毛

呢排電視成日都播住DERMES果個脫毛廣告，真係好吸引呀﹗

原本係同CECI一齊去，因為擔心自己耳仔軟會俾人TUM到~~~

不過佢同FD JOIN左彩光脫毛，所以就自己膽粗粗上去﹗

由BOOKING 到試做，到FOLLOW UP 成個過程估唔到咁順利.........

有一下我真係想JOIN~~

星期四我去完會長個酒會，之後就去返銅鑼灣時代對面既DERMES﹗

上到去先填左FORM，對返身份證﹗

呢個休息既AREA 雖然唔係好大，不過都幾舒服﹗

你可以飲薑茶 / 花茶﹗我岩岩去完酒會所以無飲............

治療師同我講呢度已經係佢地最唔靚既分店，可想而知佢地真係搵好多錢﹗

之後就入去治療師既房，聽佢地詳細再講下到底點解激光可以脫毛

其實聽完都有D驚，原來係高熱通過毛髮直達毛囊，燒死佢........

入到房，見到2部機同一張CHAIR~~

左: 冷風機 右: 激光

只要著住背心就唔洗換衫，治療師會先幫你用火酒清潔，之後講下你邊度邊度D毛毛會難搞........

再響手碗上面試4下﹗睇下會唔會敏感﹗

整果時有眼罩保護返對眼﹗每邊整既時間都係講緊30秒，好怏﹗

不過激光打落黎都真係幾痛﹗好彩有部冷風機﹗

其實整一次已經見到小小效果，感覺上滑左小小~~

整完之後又返房傾一陣，感覺上佢地完全唔HARD SELL﹗

成個過程都好快，我話想試多一間先比較下，佢地就出單俾我走喇~~

佢個價錢係 $8000 腋下，$15000小腿，$15000手

有一下我都真係想JOIN，不過都真係幾貴，同埋我唔洗好似明星咁，白白滑滑﹗

所以最後都無JOIN到﹗

我亦都問左到底彩光同激光有咩分別﹗佢地話彩光落唔到去真皮層，所以做唔到永久﹗

信不信由你﹗

如果你都想試下，我覺得DERMES真係OK﹗