迷失東京 DAY 1B

因為KENNY力推之下，同埋見到一個BLOG友勁讚，於是第一餐就黎左池袋既無敵家﹗

佢響車站SEIBU尾，位置都易搵，好彩我PRINT左小小地圖，唔係真係唔知呢D野食去邊度搵.............



估唔到11點都仲係咁多人，不過日本夜晚呢個時間已經好舒服﹗

間鋪門口有扇，好細心呀﹗

雖然排第11，不過都好怏有得入，入面得18個位JA﹗日本真係好多鋪都細細間~~~

 

無敵定對面呢座成橦都係K場，我地見到入面D人做咩.....=.=

不過我都唔知點解日本咁多K場﹗仲要成橦，真係咁好生意!!!???

我叫左個肉玉面，J叫左本卜口特丸面 + 一粒玉子 ($100 YEN)~~

我既肉玉面，D湯濃到呢..........

其實我唔係咁食得慣，我唔鍾意太濃味既野食﹗哈哈...........

佢果陣豬肉味應該可以殺死一個肚餓既人﹗
不過佢果2片玉子，真係好吸引呀

J 既 本卜口特丸面 + 一粒玉子~~

估唔到佢呢個湯仲濃，飲湯果時好似食緊肉絲咁..........

J 果片叉燒真係好正，入口即溶﹗

我係唔鍾意佢湯太濃，不過面、玉子同叉燒都係一級正﹗

個BLOG友介紹一定要加生蒜，應該就係講緊相中白色果粒，咁我就試下啦﹗

點知勁辣，根本上食唔到，當我唔明點解好味之際~~

我發現中間有個銀色夾，大細岩岩好放得落果粒蒜..............

相中果支黃黃地色既係濃縮綠茶，俾你加落冰水度﹗

哈哈﹗原來人地個食法食咁..................=.=

放左湯之後個辣味小左好多，真係幾好味，不過要有口臭既心理準備﹗

哈哈﹗好快就嘆完，出發行一陣街﹗

去左地鐵對面24小時果間鋪同埋隔離間藥房行左一陣，J 買左支SPRAY﹗

唔知支野問題定係天氣定係洗頭水，佢連續幾日投訴個頭好油﹗

 

哈哈﹗SO CUTE

行行下已經差唔多1點，不過J話想去埋酒店附近既24小時超市買野食﹗

呢個其實係J之前睇書佢記得，出黎之前叫酒店幫我地MARK響地圖﹗

果幾日都試過好多次，好彩次次都搵到~~

有時蕩蕩下可能發現新野﹗哈哈..............

對於今次間房我地都OK滿意，都幾大，乾淨，咁既價錢真係抵~~

可惜佢最LAST果晚如果住返呢度要加千幾蚊，我就響附近BOOK左間平小小既﹗

其實日本D酒店都幾貴，東橫INN都成800一晚~~

VIEW FROM OUR ROOM﹗其實點解橦橦大廈都有咁多點紅色!!??

其實如果係FOR 飛機，整最高果幾橦就得啦﹗

J好勁一日一布丁 + 一大堆零食，佢D布丁真係好好味﹗

不過我成日排住執野唔得閒食~~

我唔係成日食，都肥左5磅，我估J 應該有10磅﹗肥仔﹗


次日行程明治神宮 & 原宿