Kai B 生日會

J 之前班同事已經生左3個BB喇，當然我地唔係唔日見到佢地，今次第一次出席BB生日會﹗

係阿KAI個仔KAI B Mason~~

HAPPY FAMILY~~

Kai B 好驚戴眼鏡既人，有戴眼鏡既人行近都喊.......

萬試萬靈，所以行近都要除眼鏡~~~

原來一歲人仔已經咁大個~~

不過其實3點左右佢已經好眼訓，BB仔都係要午睡，切蛋糕果時佢仲合埋左眼


當日仲有人表演魔術，扭波波，見到D 10 歲大既小朋友真係好串...........=.=

無哂童真

真係唔知嬲定笑好~~

大唔透既我.........

將來唔知我地個仔會唔會好百厭呢!!!??

之後去左尖咀行街，之前諗住月底去日本，所以KEEP住唔買野，點知爸爸揀去北京，咁就佢啦﹗

(可惜D野都睇唔岩)

希望我地結婚之前仲有時間 / 金錢去日本啦﹗

返屋企前去左重慶大廈食咖哩，其實我真係好唔鍾意食印度野，好憎D 香料味，但J耐唔時就話想食，有時會覺得佢D西人飲食真係好唔夾我﹗

不過下次佢就返我就算啦﹗