哈哈﹗都唔明點解搬左之後咁忙，完全無時間打日記，不過可能係因為新屋未有Wifi，又未有電腦~~
今年新年可以話有開心，亦有唔開心，等我簡單記下啦﹗
年29同奶奶、婆婆團年，年30果朝接到細佬電話話爸爸唔舒服去左北區醫院，雖然果日我放早，不過返左香港仔搞小小野，已經好晏，差D 搞到我探唔到爸爸.......
探完爸爸經過太子，於是學人買左2棵蘭花，好抵呀，咁大棵都係$100，買埋個盤都係 $123~~
返屋企就最後準備過年既野，整好盤花......
D 花好靚，真心覺得蘭花好優雅~~
Sogo 買左盒靚曲奇，放D 花生，瓜子、角仔、硬餅、糖環，其實呢堆野都係媽咪準備俾我﹗
呢個就係我地新年全盒~~
大年初一一早同奶奶婆婆拜年，之後就同老公上大陸，哈哈，返到去都已經夜晚7點﹗
媽咪準備左邊爐~~
好豐富呀，又魚片、又丸、又姑、又腸、又肥牛，個湯底仲要係自己煲，媽咪超勁~~~
食飽飽去左個親戚屋企拜年~~
拜左一陣細佬話同我地去唱K，於是走左去唱K~~~
K 房位於一間酒店，個樣都幾好~~~
超大大堂~~
唱左個半鐘，間房勁大，好多生果，有一個女仔DJ 專幫你執野、點歌~~
我地得果6個人，但呢間房應該坐到20人~~~
生果多得好恐怖~~~
我地唱左2個鐘左右，RMB 900 for 6個人，不過佢個朋友好豪俾左RMB 500 貼士.......@@
唱完返到屋企上左天台放煙花~~
好靚，自己點見住佢爆，感覺好得意......
當然都有呢種~~
簡單就是美~~
老公放~~
哈哈..........
第2朝細佬就放爆竹，我地遠望~~
一地紅紙~~
間屋大致上完成，地板層層都係呢個色，做左假天花，四樓個窗好大~~
之後趕去婆婆度，好多人圍，婆婆好開心，婆婆同上年一樣，好多野講，好開心又見到佢~~
仲去田度幫手擇菜~~~
人比豆嬌......XD
因為細佬趕去汕尾，所以我地食左午飯就返香港喇，之後仲去探左爸爸~~
2月4 日爸爸就出左院喇，謝天謝地......
咁就完結了新年的大陸行~~
沒有留言:
張貼留言