速遊深圳

前2個星期已經上過去睇左一陣傢私﹗

不過真係好一陣，哈哈﹗都唔知有無2個鐘~~

今個星期就同埋阿輝、polly再上去﹗

佢地就去行街，我地就睇傢私.....

因為事前無做research，於是又係去返保安北路~~

其實有部分原因都係因為覺得上次好百年果d傢私都幾靚﹗

今次最主要睇左幾個家之福既shopping mall~~

感覺家之福平小小，不過無好百年咁靚~~

哈哈﹗一分錢一分貨﹗

呢張相我係想影Justin同我~~

不過到最後都無買到，因為睇岩2件only~~

一件: 媽咪房個電視櫃﹗(rmb 1900，不過justin話唔實用﹗)

一件:係我個衣櫃 (rmb2200 包埋運費﹗)

不過我又好驚貨不對版......所以都係再響香港睇下先﹗

最後只係買左小小廚房同浴室既架仔.........

之後就去返西堤食牛扒﹗

一個set $108 - $138﹗有包包、前菜、湯、主菜、甜品﹗

不過味道無之前咁好lu~~

Justin最愛生牛肉沙拉﹗(其實都妻係幾好味﹗ ^ ^)

佢地個個都揀田螺湯，我揀左魚唇湯﹗

2個都好味，如果一定要揀一個我揀田螺﹗

main course: 我揀法式牛扒﹗

Justin: 厚 切牛

佢果個無咩肉汁、又無咩肉味﹗麻麻﹗

我果個就好小小，不過佢而家用好多香料，都唔係太出色lu~~

甜品借左阿輝個雪糕黎影相﹗哈哈.......

而我就係叫綠茶雪糕﹗不過不失啦﹗

下次應該唔會再去呢間度食lu~~

食飽飽就去左按摩，玩到差唔多2點先返香港﹗

返到去差唔多5點先訓﹗真係支力死人喇﹗

不過我真係唔多岩按摩，按完感覺殊辛苦....=.=

好似被人打左一身咁...><