單身男女 (Don't Go Breaking My Heart)

同事話想睇<<我和妻子的1778個故事>>，唔知點解上左一個星期港島只係有3個地方有，仲要好小場次~~

於是轉左睇單身男女.......

買左飛先知原來尋日第1日上畫~~

故事好簡單，2個男仔追1個女仔

古天樂，有錢，有面，又有型，好多女人痴埋去，定力唔夠成日都做錯事.....

可惜子欣一早就鍾意左佢..........

吳彥祖都有錢、有面、都好靚仔、都好有型、火星男對自己一條心

可惜子欣好似鍾意古天樂多d~~

你係子欣你會點揀!!??

同事一出黎就問我﹗我答佢一定係揀火星男~~

雖然可以同自己鍾意既人一齊好幸福，但如果佢成日做錯事，咁即係代表佢唔夠愛自己~~

當然同鍾意自己多d，好錫好錫自己既人一齊既幸福又係第2種﹗其實好難比較.....

感情世界從來都係好複雜，無得去計算到底邊個愛邊個多d﹗

邊個付出多d~~

同埋就算可以忍受古天樂成日做錯事，但佢既幼稚行為真係唔掂~~

吳彥祖就唔同呢，從來都無傷害大家之間既感情﹗

佢帶女主角去蘇州果一段、同求婚果一段，我真係有小小起雞皮~~

表達愛既果種心思﹗哈哈..........

雖然我都知世界上應該都唔會有呢個咁好既火星男，不過每一個人我諗都會希望另一半對自己如珠好寶~~

套戲中間都幾多笑位~~

我地2個都覺得個女主角唔太靚~~

希望我身邊果個都係火星男啦 ^ ^

其實佢都幾錫我呀，響戲院出面等左我9個字﹗