未日年2012 vs 2013

每年我都會寫一篇對於那一年既回顧，今年當然又係好開心豐富既一年﹗

J 終於都求左婚，呢一年真係做左好多關於Wedding 既野............

當中有開心有唔開心，不過我知道3月31，那一天我一定會好開心、好愉快咁出嫁~~

今年都去左2次旅行，首爾(求婚) & 北京(劉氏一家大旅行)

我覺得自己揀左跟團去北京真係好岩，需要照顧屋企人既麻煩野小左好多﹗

希望下年可以再同佢地去啦！新加波都唔錯呀！

不過仲要plan埋我地個歐洲Honeymoon~~~ 到底幾月去好呢？

自從四月J求左婚之後，好多個weekend都忙結婚既野！ 好多時J都陪我去唔同地方，當然姐妹都陪我試衫試妝，我都好感激~~

最深刻係換左化妝 同 影Pre wedding!

個人小建議如果可以影左相先，知道左自己適合化咩妝再搵MUA會較快~~

不過因為我時間唔夠，心水MUA 俾人左Book 左........@@

想要既草地又俾人Book左，不過其實只要嫁俾一個自己鍾意既人，其實咩場地，咩樣都唔重要............XD
 
而家仲有3個月，仲有好多濕碎野未做，希望呢3個月順順利利啦﹗

媽媽岩岩做左個小手術，J 婆婆又一直未開懷~~

2013 我只係有2個希望，希望3月31 順順利利，仲有希望麥劉2家人快樂健康

我會再投放多D時間落去屋企人度，而家仲要有2個家，要好好加油呀﹗

Encore Wildfire

而家一話食Pizza 就會諗起Wildfire，不過上次好抵個餐無左~~

轉左一個 $120，有1個pizza & 1個湯，不過加多一個沙律都係 $29、1個蒜蓉包都係 $29﹗

比上次 $180，少左一個湯 & onion ring﹗

都可以接受~~

因為佢d pizza真係好味好多﹗

假期仲多左燒雞套餐~~

如果一大班人都可以考慮下﹗

吸血新世紀4破曉傳奇下集

回想起，原來頭果4集我都有睇，終於都黎到終章﹗

其實第一集果種新鮮感早已無左~~

只係為個結局而睇﹗

J 好唔滿意，因為打戲真係好小~~

我就覺得咁既結局其實都唔錯，平淡是福﹗

希望佢地真係Happy ever after........

我地鍾意左佢入面既一首插曲，thousand years

會用黎做其中一段片既Background Musiczu

牛記茶室

每逄去完AH，我地都會去上環搵食，蓮香樓去左幾次﹗

今次原本想詆下九記，不過真係好長龍............@@

見餓餓地，於是試左同一條街街頭既牛記茶室，睇睇下個餐牌發現岩岩響電視見到3嫂介紹，仲認得老闆......XD



玫瑰花皇太后雞

呢個好好味，D 皮完全唔肥﹗好入味，又嫩~~

無錫骨

呢個又係超入味，仲好多舊，不過就油左小小~~~

炒牛河﹗

好肥膩，不過好好味........XD

牛肉又係嫩﹗

原本我地仲想叫多碟，不過老闆話我地食唔哂..........呢度仲食到人情味~~

仲有糖水送﹗

最後我地都係食唔哂，打包左D雞返屋企食~~

下次再試下其他先~~

Reshoot @ Alexander Hera

上次Alex 答應幫我地影過之後好快就到左Reshoot 既日子，今次真係無咩準備，頭都指甲都無整，只係帶左之前淘寶買既大介指氣球同C & J 牌﹗響公司附近買左小小頭花﹗

我成日同自己講唔好期望太高~~

我地約左點半開始化妝，我早左去到，1:10 未有人........@@



正式 13:40 開始化，今次化妝既係阿Wing，好明顯成個妝 & 頭都好過Heidi~~

其實我都幾鍾意佢今次幫我整既頭﹗佢都幾有心機，同我BIG DAY個化妝差不多﹗

整左足足2個半鐘...@@



4點正式開始影，Alex 好多時候坐響椅上面，有時落下地，望落好似Cur 仲落力~~

影完Window ，影梳化 & 磚牆，再影白色佈景，我望左佢Last 幫我地影既訓地相，感覺上好似唔錯﹗

不過都係果句" 未睇大相未知真相"



影到大約5點半就出轉晚裝 & 頭﹗

6點就出發，落車時我地發現去左上環，其實前幾日上去試衫阿詩話幫我地轉去高街........@@

佢地又無溝通清楚~~

Alex 就話黎到都影一陣啦﹗之後轉去高街，不過我同J Feel 到佢有D唔耐煩﹗

我估係因為AH 夜景影得麻麻，所以佢都唔諗住去邊幾個黠幫我地影~~

原本想話影多小小City Life (電車路、Building、轉轉樓梯..........)

不過見佢地去緊高街，我都係覺得算喇~~

又影左一陣，大約7:30 就走喇，其實真係影相既時間唔多，2個半鐘，希望出黎效果好好，因為我想澳門一本，香港一本相簿﹗

澳門如果要揀得要求高D，其實可能最多30-40張，係真係好鍾意~~

Confirm 姐妹裙

之前其實都黎過呢間度睇姐妹裙，覺得佢價錢合理，質料都OK﹗

不過又想睇下會唔會有其他款，所以果次無落訂~~

都有小小後悔，因為約時間真係一件好慘既事，不過過左就算﹗

是日好彩仲有蘇菲 & Winnie 陪~~

第2好彩既係我地次次去到都無人，因為我打電話去BOOK 果時話6:30 超多人，點知係樓下超多人，上到去就得我地3個﹗

因為揀左款，係差揀色，又俾我地咁岩見到人地訂左既幾件好淡粉紅色，我地3個都覺得OK，就照人地個款黎造~~

連底布都跟返，唔洗諗﹗

鋪頭話係香檳金，希望我地果D出到黎都係咁靚啦~~

而家6件都係同一個款同色，可能俾個特別D既手花 Celia 話俾人知佢係伴娘﹗

Yeah，又搞掂一樣，下一樣應該就係花球 & 介指..........



就係呢間鋪喇，上面呢個款，不過我地係長裙，腰帶改打摺，唔要珠片﹗

Simple but Elegant~~

不過有樣野要主意，就係呢間腰圍超過30要加 $50條，其實呢樣野應該一早講，雖然我上次從第2個客口中知道，不過其他人唔知，會覺得間野唔老實~~

冬季購物節

J 個客俾左2張冬季購物節門卷俾佢，於是我地打算去行下，睇下有無野平﹗

點知去到門口發現果2張飛唔岩日子.............@@

真係唔知好`嬲定好笑﹗好采保安俾我地入JA~~

不過去到發現樣樣野仲貴過平時，同一條台灣腸，有D鋪賣 $20，有D $10，有D $15 for 2，真係差別好大~~



我地行左一圈，食左豌日本一拉面，湯底好濃，唔係幾識欣賞~~

$50 碗，買左會有一對筷子，之後到等面處﹗

仲食左碗仔翅、台灣腸，味道好一般~~

其他野真係太貴，我地仲要係Last Day 去，諗住應該平，點知都係覺得貴，仲要超多人﹗

J 買左3個豆鼓X魚 & 3磅牛肉乾....唔係因為平，而係佢覺得呢隻牛肉乾同佢之前食過既好似，好好味~~

浪費左一個下午 tim..........XD

2012 聖誕節

唔知由幾時開始，倒數 / 聖誕都會同J 一班朋友出黎聚下﹗

雖然唔係成日見，不過睇住呢班男仔好好感情，都開心嫁~~



男人既世界真係簡單好多﹗

當日我地仲玩左交換禮物，今年個主題係粉紅色。

YAN 抽到J 份禮物，Chopper 粉紅震震咕口臣~~~

我就同問號交換左禮物，佢收到粉紅香檳酒一支，我收到一盒禮炮，入面有6支，每支入面有唔同小禮物﹗

包括: 指甲鉀、YOYO、CARD GAME、筆刨、軟尺、鎖匙扣

J 收到份正野，公主套裝，有粉紅色包包一個，皇冠，權仗，耳環，頸鏈，介指同高跟鞋一對

好正，好襯佢呀...........

2012 Christmas Eve

做冬同平安夜都有得收早，而家大時大節都係要先同J 屋企人食，之後再同我屋企人食﹗

咁就食左一個WEEKEND，應該開心，有咁多頭家....=]

平安夜早放，原本諗住可以早D返屋企整野食，點知上AH度搞耐左~~

返到去都已經8點半，我地開左包芝士，整左個芝士火鍋﹗

加埋包包、青蘋果、香蕉同牛扒，呢個就係我地2012 好平靜既平安夜~~

青蘋果+芝士好襯呀﹗

其實唔應該食咁多，因為晏晝公司大食會，叫左好多野食，25人，有16盤野食，加埋壽司 Total 41盤﹗

我地講笑話男同事一人食盤半，女同事食一盤~~

最後都係食唔哂呀，仲有成10盤，雪住過2日食返...@@

希望將浪費減到最小~~

呢個係我同J Last Single Christmas，原本想買小小禮物俾佢，哈哈....

不過無時間 / 錢，真係窮得好緊要~~

要好好加油呀﹗好快就到喇~~

睇第一轉執相; 與Alex 會面

等左個半月之後終於都收到第一轉執相，開出黎睇果下其實都幾失望，因為感覺好唔得，唔係我地鍾意既感覺﹗

房入面果D無咩顏色...............好恐怖

望到呢張我嬲左，點解一張咁既野都可以俾人睇.........@@

完全鬼屋FEEL~~

主教山佢幫我地整左個天，好彩唔係好假~~

不過個BUILDING 太深色﹗

日落......

草地係最得人驚..........

好假，假到唔識點形容，我地好似KEY 落去咁.........

完全唔岩FEEL~~

威尼斯仁好D.........

夜景真係好嘔血﹗

我忍唔住即刻 Email 左阿詩，同佢講" 估唔到等左個半月，佢地會俾D咁既相我"

果下真係好嬲，於是約左Designer 傾，仲Request 埋Alex 幫我地影過夜景~~

估唔到開會果日Alex都黎開~~

我地6:35 上到去，之後就開始同Designer HUGO 傾，每個地方搵一張相佢再執過D效果俾我地睇﹗

其實真心覺得呢個會應該個半月前開.........@@

之後傾到主教山Alex 就出現喇，Hugo解釋返點解佢地會咁執，原來佢地由時間出發，酒店--> 草地 (藍天) --> 主教山 (黃昏) --> 威尼斯仁 -->夜景

總算明白左點解佢地咁執，不過都係果句我地唔鍾意草地Match 藍天~~

而家試下主教山用藍天﹗

開頭我都覺得Alex 有小小問非所答，可能我 D 問題太難明.........

最後執到夜景，我第一句就話覺得好核突~~

無論執左同未執都接受唔到﹗

點知Alex 好快就話同我影過，可以早小小上去，影埋黃昏，我提議影埋Studio，佢又OK﹗

仲Confirm 埋28 號就影，成個過程都好順利~~

我Feel到佢好有誠意，我都俾左D意見佢地，真心希望佢地會做得再好D﹗

我仲Request 埋要換化妝 & 揀過第2批衫~~

希望出黎效果會OK啦﹗

造女家衫

因為之前同J 造既果套西裝出黎效果都幾好，於是再同我屋企人上去整~~

我同J 星期六夜晚已經上左去，去左上次感覺唔錯既皇室假期

11點幾先去到，去左隔離街食宵夜，黃金蝦、炒韮菜 & 檸檬雞﹗

今次我地無訓房，響大堂訓，因為訓房要按4個鐘以上，我地成點半先開始，按完都6點...@@

3點半就出左大堂，D人訓到勁大聲鼻鼾，其實都唔知TOTAL 訓左幾耐，10點又出動食早餐﹗

(訓左一晚，加埋俾左RMB50 TIPS，都係RMB168，抵，下次會再黎)

約左媽咪佢地響嚴師傅間鋪等~~

其實我媽咪身形好肥，之前佢買左條連物裙，我覺得太花，同埋太貼身，於是我提議佢造一件外套仔，呢D應該可以收埋小小佢D肥肉﹗

影左張相，Aunt 話呢個係 Chxxxl 款 @@

我地造左深紅色，無諗佢照咩款整，只係覺得岩就訂左，問老闆娘整一件連工連料 RMB 320﹗

我地去左布城都睇到呢款布，買左米六都係 RMB 60，手工加 RMB 150，仲抵過去老闆度造好多..@@

仲幫媽咪襯左條珠鏈 & 耳環 (RMB 60)，好抵~~

爸爸同細佬 2個都無咩意見，所以都係我同J 響度揀，幫爸爸揀左呢個色﹗

希望岩佢心意，著出黎YOUNG D~~

細佬就揀左個深色，都幾好襯﹗

YEAH，睇下會唔會幫媽咪再造多件先，希望果日人人都靚爆鏡，開開心心~~~

公司秋季活動

第一次由大圍踩到去大尾督，其實都幾支力，不過係一個新挑戰~~

2:00 踩到 5:15 ，平時我真係好Hea，踩小小就抖好耐，真係第一次踩咁耐﹗

今次用新車，貴小小，不過好輕，好舒服~~

日落了，係時候BBQ~~



記得中學黎過一次大尾督，上次同同事BBQ，今次第3次黎，又係完全唔同感覺，之前以為得一個BBQ Site~~

原來都幾大，下次再試下踩過黎，之後BBQ 先...XD

BBQ @ 大尾督燒烤王， $90 一個人，都幾抵~~

我好早就走喇，因為要同J 上大陸按摩﹗

場地佈置第一次會議

因為想可以早早準備既野都預先Settle 左先，所以就好心急咁約左JNC Rio 開會﹗

開完呢次會，我個感覺係我結婚當日個場地一定會好靚~~

真係Feel到咩係專業

我地7點上到去，傾到8點9，之前我其實只係Target Tiffany Blue 作為主色，Rio 俾左呢幾年佢地做過既Backdrop 我地睇﹗

我地就Shortlist 左幾個鍾意既，之後再揀~~

Final 有3個真心覺得好靚﹗

之後就傾埋個LOGO, 蛋糕台、Reception 台上面既佈置~~

Shortlist 中我同J 都俾呢個台迷住左，好靚，好清，完全係我想要既野~~

Rio 話唔想我地加咁多錢，唔Suggest 我地整3塊Board，整中間果塊就OK喇﹗

2邊用返拉布，撞返Dirty Pink & 白色，佢話效果應該都唔錯~~

中間塊板我地想特別D，Rio 提議整一個通花圖案，可能整2個人名Initial

其實真係幾靚~~


Dirty Pink 比起Purple 更岩我地口味呀.........

中間個通花整呢D圖案都幾唔錯~~

另外一款，好立體，不過應該唔會揀呢個色lu~~

因為我想Elegant 多D.

姐妹裙

之前去過一次尖咀百利睇姐妹裙，有一間租既都唔錯，不過跟據Irene 果次經驗，前一日先羅到條裙，感覺上都幾危險~~

於是Target 左造﹗

所以呢排都有上網睇返D姐妹裙黑店 / 好評~~

見到有一間價錢OK、質料OK、款式OK、於是約左4個姐妹星期日上左去睇﹗

我地足足留左2個鐘，試左唔同款，間鋪仲好好可以任影，咁就可以俾埋遠在英國既伴娘Celia 參考~~

我自己都最LIKE 呢件﹗

不過我地無即時JOIN，仲去左一轉尖咀，睇多幾間 & 睇多次租果間，原來都有得造 $480~~

又試左不同顏色，最後應該都係揀返上面果個款~~

兄弟Tie 係粉紅，佢地應該都揀返呢個色Tone﹗

其實我地睇緊果時有人上黎投訴，話佢地未交到貨，所以我會將個婚期講早一星期，大家都安心D，1-2個星期應該都唔會太大改革~~

而家等緊約埋一齊上去度身﹗

真係BOOK 左先開名啦~~

過大禮

因為媽咪話下年無今年咁好年，所以早早安排左12月就過大禮﹗

同YC 大婚同一日，認真好日~~

祝願YC永遠幸福快樂

(Blog 入面識到你真係感覺好開心﹗)

前一日J 同我去左睇生果籃，不過睇唔岩，最後佢星期日朝早去左香港仔買~~

都幾貴，下次如果可以早D準備都係早D準備好﹗

其他野都係封利是 / 買小小﹗

辛苦哂J & 伴郎 2個搬咁多野黎我度~~

應該滿足左我媽咪喇掛~~

J 交左禮金大利是, 2個包羅萬有利是 For 酒, 豬肉俾媽咪，一封俾細佬買舅仔褲~~

媽咪就回左D禮金, 衣服錢, 豬肉錢, 一包唔知咩利是俾J，真係好搞笑~~

女家有一對龍鳳餅, 一個禮盒 & 幾個餅,  60張塘餅 & 90 張西餅﹗

果籃 X 2 , 鮑魚 X2, 冬菇X2,  榣柱X 2

咩都雙雙對對~~

 雖然個果籃有D貴，不過望落真係幾唔錯，有柚子 (有子), 有核提子 (有子), 柑 (金), 火龍果, 蘋果, 富有柿, 楊桃。

餅CARD~~

J 仲好識做，真係放哂8式涼果放入去D禮盒度，羅個好意頭~~

黎個大合照

再黎多張全家福

之後佢地就羅住女家回禮返去男家喇

媽咪買多左2件發糕、2個煎堆、2粒芋頭仔俾J，女家回禮點解簡單咁多!!??

多謝J咁愛錫我，為我做左咁多野，而家真係一日比一日近個婚期，開始Feel 到緊張了.........