終於都影左相喇

講真原先對呢輯相無咩期望，不過估唔到我地一毫子都無俾既情況下 (暫時) 會有呢個咁好既體驗~~~

真係要好多謝阿WING (化妝) 、 阿優 (影相) 同搞笑到爆既 阿庭 LOUIS 

我地約左11點到，可以訓到9點起身，之後食左一塊包就出門口﹗

(PS: 我都幾鍾意我地呢個咁簡潔既花球﹗)

J仲帶左隻蕉同包餅過去食~~

ME ME MORE MORE 搞到遲左小小，一去到即刻化妝，SET 頭，都搞左個幾鐘，第一個造型先影晚裝，一條黑+白既拖尾短裙﹗

我覺得阿WING都化得幾好，好細心，有心機~~~

仲幫我襯左頭飾、頸鏈、耳環、"手握"....個髮型我都好鍾意﹗

之前上去試身覺得佢D 男禮都幾唔掂，點知今日著返細一個碼，又幾好睇WO~~~

型呀﹗D STAFF 仲問J 係咪DESIGN出身

有另外一樣野想讚就係J本身件裇衫條頸個位扣唔到，佢地主動幫佢釘過粒褸，其實好小事，不過你FEEL到佢地有心做野~~

晚裝影室內，估唔到一個咁細既地方都可以影出7個不同感覺，不同主題，好厲害~~~

可能第一次真係唔識點擺POST，聽到阿優不停講隻手放邊、望邊、唔好寒背，對腳前後，溫柔D、瞼側D、望高D、笑、黎張唔開口既、望自己博頭

有一下感覺自己好似扯線公仔，機械人.......

我想個玩味重D，呢D真係好機械式~~~

第2個造型，都幾好，阿WING知道我一定要有D頭髮響側邊~~~

婚紗就影室外，TOTAL 都影左5-6個位，不過可能熟左小小知道點樣擺POST，開始順利左，同埋可能阿優都知我地開始無咩電，都快手左﹗

影完之後我覺得D相都唔會好差，唔知會唔會加錢呢!!!???

終於4:30 離開，因為太肚餓，所以諗住搭船去銅鑼灣怡東食BUFFET，順路睇埋多拉A夢誕生前100年展~~~

真係幾得意，有成100隻，不過真係超多人，影左一陣相~~~

KAI 子

J話我好似女 MISS...............

今次食BUFFET 反而食左好多熱食，可能因為太耐無食野，好驚食凍野~~~~