都好耐無去踩單車喇，見之前幾日天氣咁好﹗
又開始涼，心痕痕好想去踩單車~~~
是日有EUGENE、蘇菲、J & C...........
因為 J 懶訓，原本想 12點開始，點知最後都係成2點先開始到..........
今次仲要去左好遠羅車﹗
因為個袋太大，放唔到響個籃，要麻煩J 幫我袋住﹗
搞到佢勁樣衰~~~
不過佢本身呢個造型都幾......................
唔知點解今次踩得好快，比之前踩得快好多，好彩停低有靚仔睇下..........
好大隻呀﹗
又咁岩睇到賽艇﹗
第2次停低已經到左海邊﹗
好大支水呀﹗2個人飲唔哂﹗
Eugene 好誇張，大汗到好似游水咁﹗佢話其實佢係參加3項鐵人﹗
之後響科學園TEA左一TEA，真正抖左一陣﹗又出發...........
呢個季節估唔到都幾多花、草睇﹗
仲一大片好靚呀﹗
細個屋企附近好多呢D草 - 媽咪話係狗尾草，唔知真定假~~~
是日真係好大風.............=.=
佢地D種子隨風飄，好似蒲公英﹗
原本諗住踩到科學園入小小就算﹗
點知佢2個見到個堤壩就一直踩到果度先肯返轉頭~~~
果度好多貓貓，一眼望過去已經有成10隻﹗好誇張呀﹗
上次黎應該介未有呢個地方﹗最估唔到係呢D咁黑既水居然有人游﹗
希望唔會游游下臭死左啦﹗
仲有好多叔叔釣魚，真係有魚..................
靚人靚景，如果換左藍天一定好正﹗
不過唔緊要，可能過多2個星期又會再黎~~~
以前我都有自己一架單車，不過被人偷左，之後就無再買喇，我真係好ENJOY 踩單車果種自由自在﹗正~~~
我想試下龍友既影相角度，可惜﹗我要換相機喇﹗
影自蘇菲﹗ (如果佢地2個失平衡我就大件事喇﹗)
影自J
一邊踩一邊影左呢張相﹗D 街燈好得意﹗心型
幾經辛苦終於都返到去喇，中途EUGENE炒車﹗希望佢快D好返啦﹗
開心的一天
之後就趕返屋企食蟹，J 個客平賣左幾隻大閘蟹俾我地﹗
$32隻﹗雖然唔係好大隻，但估唔到又幾好味﹗好鮮~~~
媽咪原來第一次蒸蟹，佢唔知要用紫蘇葉，所以無買到，我地加左龍井，估唔到個味又幾夾WO~~~
媽咪食左半隻，細佬 2.5隻
J 2.5 隻，我1.5隻﹗厲害厲害~~~
都幾多膏嫁，食食下，都搞左成2個鐘﹗
最後細佬介買左個蛋糕﹗是日真係好滿足呀﹗
沒有留言:
張貼留言