團購 @ 桐燒 + CRUMBS

而家團購大多數都會揀返香港島，因為真係方便好多﹗

是日試左位於世貿中心13樓桐燒~~~~



原價$338 --> $78 位，原價一加$33.8，上到去侍應話再加 $10 醬油錢﹗

TOTAL一個人 $130~~~

心形蝦

套餐包括沙律、刺身、自選燒、野菜、烏冬/炒飯、雪糕同飲品

其實就咁睇都覺得好多野食﹗

前菜 & 沙律

我個餐無包前菜，睇過OPENRICE之後先知道原來前菜計錢，$15一位，最後我地唔知佢係點計錢，總之俾左$100 找返5蚊包左加一，同埋呢個前菜同醬油錢﹗﹗

其實已經知道有時團購好多時都係收正價加一，不過響團購度應該列明其他收費，唔係去到又話飲杯水都要加錢，就算好抵、好好味，都會扣分~~~



講返D野食、沙律幾好，係鹹左小小，前菜 五香肉丁蘿蔔有小小怪~~~

我地之後放左D肉落去燒一陣再送飯，正常小小.............

刺身都OK新鮮，J話個蝦無咩味﹗

我既心態係試完好味會再去食﹗不過睇怕都唔會LU~~~~

主菜我地一個揀左澳洲黑毛和牛、加拿大牛柳、日本豚肉眼、車海老

一個揀左澳洲黑毛和牛、帆立貝、車海老、牛肋骨眼﹗

D蝦真係幾大隻，不過唔係好新鮮，其他D肉真係好難分邊個打邊個，全部都無咩味﹗

佢俾左D醬汁，不過感覺D汁唔多夾，我無點，加小小SALT食返佢個原味﹗

反而野菜就幾好味，燒完仲係好多汁.........

可惜一樣得一件，小家到呢......> <

藍色係沖繩之戀，小小MINT 味，我唔飲MINT味既飲但都覺得OK﹗

橙色係橫濱麗人，應該係橙汁加小小其他果汁，都幾好飲﹗

爐入面既應該係澳洲黑毛和牛、牛肋骨眼同野菜﹗



D野食野飲我地叫左唔夠5分鐘就黎齊，連個烏冬同飯都係，講真咁樣好難唔凍哂﹗

我地唔理個飯同烏冬、食完沙律前菜同埋刺身就燒肉食﹗

傻瓜



不過最令我意外既係呢度通風做得唔好，一入去就成陣燒野味﹗

我地坐果D位連抽油煙機位都無，係中間呢幾張台有﹗

好就就食完，上埋雪糕，好彩佢唔係連雪糕都一次過羅埋黎

是日2個人都揀左綠茶，我覺得幾好味，因為好奶，J 就麻麻地鍾意﹗

我覺得呢餐係OK既，野食都幾多款，每樣小小試下，不過如果要我俾成$200黎食呢D肉我就唔會喇﹗

其實有時團購都好，諗唔到食咩可以多個IDEA~~~~

世貿中心好多羽毛﹗

好快就到聖誕節喇，好令人期待呀﹗

今年會同媽咪、爸爸、J 去韶關，希望一切順利啦﹗

其實唔係太飽見之前個團購CRUMBS 可以用又過去食埋~~~~

TOPING 都幾多款可以揀~~~

$25包一個鬆餅同一個REGULAR YOGURT (2個TOPING)

我揀左藍莓，另外果個脆脆係指定﹗



其實 $25都幾抵，個鬆餅好好味﹗

個YOGURT味道都幾得遂，如果佢同CHERRY ON TOP 我揀呢間﹗

藍莓都新鮮，下次如果再有我都會買多次﹗

之後去左教協睇洗衣機，因為想買過新全自動大眼仔俾媽咪~~~~

原來教協真係平好多﹗

不過唔知揀咩好!!!!????