Urban Design Conference

31 March 2012 - 1 April 2012 @ Langham Place Hotel

是次活動尚算成功，真係好開心﹗

3姐妹改左名3妹嘜!!??

之前同J 去佐敦食過一間誠意泰菜，我記得個名叫3姐妹~~~

我地2個都有讚﹗

因為J 去左酒麻地剪髮，我地諗唔到食咩，所以行行下到左佐敦~~

哈哈，一樣既格局，J 話應該係我記錯左人地個名﹗

今次我地被安排坐樓上，裝修比樓下更好，更舒服~~

2個人叫左一碟泰式炒菜苗、炒勝子、串燒、炒金邊粉﹗

不過今次就大失所望、個菜明明問左話唔辣，點知都係辣，勝子有小小腥，都係中式整法最好味~~

串燒乾左好多，金邊粉普通﹗

一人一杯野飲，$2XX，唔算貴，不過應該無下次﹗

因為岩岩果個星期六我地ENCORE 左香港仔泰皇宮，串燒 " 嫩" 、炒飯香、

新不如舊 @ Dicken's Bar

上幾個星期諗住去Dicken's  食晚飯先知道佢裝修，其實都有小小期待~~

於是開返無耐就去試菜﹗

有新DRINK MENU~~

我地一人叫左一杯新野﹗

左 DICKEN'S TAI TAI (茶+蘋果汁)

J 話覺得好怪同埋太酸，我覺得小小似檸檬茶

右係J 叫錯俾我既CHRISTMAS XX

我想飲湯，點知佢聽錯﹗ORDER錯左

呢杯都幾得意，紅SONG子味﹗

不過我都係鍾意以前果D多D~~~

新MENU 無左羊架、BBQ RIBS、牛扒...........

都幾令人失望﹗

於是抱住試新野心態，叫左呢個BBQ SHORT RIBS，以為係BBQ RIBS 既小版............

一黎到個心沉左一沉，實唔好食﹗

食落都真係幾唔好味~~~

J 揀左CHICKEN XX XXXXX

D 字查字典都搵唔到，唔知咩文，知道好似係墨西哥薄餅既物體之後決定試一試~~

個餅好脆好味，不過連醬神都唔食佢上面果2堆醬就知出事~~~

中間係類似咖哩雞~~~

裝修之後個環境唔同左，無左電視，講真真係新不如舊﹗

我地可能會黎多次，俾多次機會佢~~~

希望下次無咁失望啦﹗

同埋而家每台食飯都會俾3支醬，開左用一次就會掉~~~

好浪費呀﹗

韓國購物清單

呢個星期病左、又嘔、好彩好快就好返，不過為左準備下星期個CONFERENCE，星期六日都留左響屋企對果本BOOKLET~~~

唯有當係休息多D

不過就辛苦左J陪我無街去，期間我都有用左D時間黎睇旅行既野﹗

仲記得4年前去韓國覺得好多野都唔係好岩自己~~~

護膚品牌子只係識language

D人狂風掃落葉咁滿載而歸，但自己就........

所以今次我決定去之前做定小小功課，唔洗去到完全無概念，白白浪費左D時間~~

經過左2日既WEEKEND 大搜查之後總括韓國較受香港人歡迎既護膚品牌子有 Innisfree, It's Skin, Etude House, Dewytree, Tony Mole

咁當然都仲有我地平時認識既雪花秀, skin food, Face shop, Missha..........

好多產品雖然出名好用，不過各人膚質不同，好難參考﹗

所以我決定買D自己需要，而又有興趣既，到部第一日就買黎試，之後用過2日好用先再大手買~~~

當然有D產品無話岩唔岩，例如去角質MASK、清潔MASK............

睇左D 討論之後以下係我心水

當我見到Etude House 呢支紫色Bubble Peeling 我就記得上次響個台灣節目度睇過﹗

如果好用買多幾支先﹗

見佢D packing 都幾靚，可以買D甲油、細細支既野俾D 朋友做手信，係嫁我次次我買野食都有小小悶嫁~~~

Innisfree皇牌係 Red Wine 同 Green Tea 2條Line 既產品

我會試佢Wine Peeling Jelly softener、 紅酒mask 同濟州火山泥毛孔清潔MASK

同埋夏天就到係時候要控油，會試下佢果set Green Tea，都幾平﹗

仲有呢SET good bye sebum，如果真係可以小D油脂粒就好喇，試試試~~~~

It's Skin 係醫學品牌，見到佢果個蝸牛CREAM 好評如潮，去印一流﹗

所以如果唔係好貴應該都會買﹗

It's Skin 仲有好多好用MASK，蛇毒面膜

其他牌子可能只係MASK，其實都好夠﹗

哈哈﹗應該唔會爆掛~~~

罝業。安居

自從年半前同J 睇過港灣豪庭之後，樓價就大升喇~~~

因為我真係想快D有自己既家，所以我地又再出動﹗

睇睇下到佢跌到一個心水價位就入~~~

第一站位於藍田麗港城，其實行去地鐵都要10分鐘，佢TOTAL 28座，分 1-4期

唔知點解我地去到樓下大堂就聞到一陣陣UP 味，真係好奇怪

仲要去左幾座，都仍然有﹗環繞會所係垃圾房，又係好大陣臭味.....OMG~~~

我真係唔明點解會所同垃圾房會放埋一齊.........

我地TOTAL 睇左 6個單位，價位介乎 $390 - 450萬，嘩，真係好貴呀﹗

原本高樓層會因為觀塘繞道而好嘈.....=.=

低層有隔音屏就會好D，不過

最主要睇B 同G，都成6XX呎，我覺得2個住太大﹗

同埋我真係唔鍾意個鑽石形廳﹗

之後轉戰淘大，其實淘大真係唔錯，交通方便、商場林立，仲要勁近我屋企﹗

其實沙士之後我對於呢度始終唔太喜歡~~

不過佢做左好多翻新，感覺上又唔係真係好差﹗



我地睇5個單位，其實都係462 呎同埋480呎，都唔明點解佢要分咁多側，好多都做左OPEN KITCHEN 同埋打通左間房，打通左2個人住就會闊好多，不過將來如果生左個小朋友就會好麻煩﹗

我地足足由4點開始睇到7點半，真係好支力﹗

不過估唔到連淘大都要 $290 - $325萬

我真係好想知道 $300萬到底係幾多錢，點解而家動不動就300以上~~~

異星爭霸戰:尊卡特傳奇 (John Carter')

J 話 買一送一睇3D 抵D、於是就揀左呢套，講真真係好抵， 4個人只係$160

可惜套戲唔係我地杯茶，同埋真係好長，我又有一下忍唔住............訓左..........

(而家真係套套戲都成2個鐘)

阿輝話套戲應該叫異星奇緣，因為成套戲都係講追女.....

雖然佢有好多打鬥大場面，不過做得唔吸引



同埋條理唔清晰、到底目的係咩!!!???

果D介乎壞人與好人之間既人，壞人可唔可以壞到底!!???


我最唔明就係點解要用呢張做POSTER!!??

果2隻猿出左場只係2分鐘..........

J 話因為場面大D..........=.=

成套戲唯一亮點就係呢隻 異星"狗"

真係好搞笑~~~

其實電影真係好厲害，電影入面既科技係遠比現實先進千百萬倍﹗

我就好鍾意佢入面既太陽能飛船~~~

好快就會有另一套同呢套差唔多既戲上............

不過應該唔會有機會睇喇~~~~

Encore 丼丼屋

月頭幫襯過一次，月中又黎ENCORE多次，今次仲加埋阿輝、POLLY，TOTAL4個人、試多左好多野食呀~~~

其實都唔想特登去太古，大家都唔多就腳，不過如果星期六想用買一送一而又可以肯定有位一定係揀太古﹗

今次我地4個就睇左 異星爭霸戰:尊卡特傳奇 (John Carter')

阿輝叫左個燒牛扒定食、J 就叫左個腐皮烏冬~~

POLLY叫左個炸蠔，個樣都OK WO~~

我就叫左合滑蛋，勁大碗飯呀，個賣相仲唔錯~~~

味道都OK~~~

4個人再另外叫左4個小食，玉子、豆腐、炸牛蒡、仲有芝士薯餅﹗

豆腐好滑，味道都幾好，炸牛蒡就幾得意，好似薯條﹗

芝士薯餅就太漏，NO GOOD~~~

陣容蛋勁呀﹗

其實食左咁多野已經好飽、不過見佢d雪糕又想食﹗

我呢個係士多碑利味、不過唔鍾意佢個底用罐頭生果，奇怪~~~

團購: 林太喇沙

星期5又開會，好彩好早就開完，之後諗緊食咩之際突然醒起，林狩喇沙個團購就快到期.....

即刻由銅鑼灣轉去筲箕灣~~

趕及響9點半前ORDER﹗



個餐 $68，包2杯野飲、2個喇沙、1個菜、2件雞同2件前芋頭卷

其實我都幾鍾意食喇沙，見唔係好貴咪買黎試下，點知...........

個喇沙唔多掂，個湯底都唔香，得個辣字~~~

J 完全食唔到，我無諗過咁辣

個菜話用魚湯浸、不過都係無咩味，得D雞係有味，飲品 J 揀左白咖啡、我揀左酸子汁

白咖啡好香、酸子汁就普通﹗

因為太辣，J仲叫多左杯可樂，哈哈...........

無下次﹗

呢排我地呢期睇緊樓，見筲箕灣D價都OK，食完之後就行左一陣，不過筲箕灣真係好舊，好多都係唐樓，我地食完只係10點左右、果區已經好靜，只係有丁丁聲﹗

見到果條昏暗既街道，我真係以為拍緊鬼片﹗

(SORRY，真係有小小驚﹗)

同埋好奇怪好多房好似已經空置左﹗

真係好想樓價快D回落呀~~~

Encore 聖博殿

上次黎過覺得好味之後J 耐不耐都話黎食.............

是夜因為要去美麗華退錢，J 於是等埋我開完會之後食~~

估唔到我開到差不多9點

J 真係餓到暈，因為我通常都會開之前食個包包，打一打底

一去到就有野食喇，野食好似同我記憶中既差不多，原來J 又叫返上次果個餐

(部相機成日OUT FOCUS 想點................)

不過好彩都有小小唔同，芝士豬柳換左梅醬豬柳﹗

個炸粉同上次一樣好味﹗

不過D豬好似無上次咁多汁，反而隻版蝦OK左﹗

長過J 塊面好多﹗

2個人食左3碗積物、3大碗菜，真係好好味、大滿足~~~

騫翁失馬

星期二等J開完會之後我地去左恆龍中心報PACKAGE~~

通常去之前我都會響網上格格價(康泰、永安、美麗華、星晨、EGL、SUNFLOWER、專業、PRICELINE、ZUJI.........)

不過有D細旅行社真係平幾多，幾吸引，但平多過$500以上，都會令人幾疑惑

通常我會上網SEARCH下D FORUM 睇下大家對於呢D細旅行社既意見﹗

實惠旅遊個PACKAGE都真係幾平，如果住WESTERN 6D5N只係 $3580 + $820，平過哂我網上CHECK最平果間成 $500..........

J 都幾心動，不過佢一定要我地俾名先可以CHECK有無機位，一CHECK到有就要落訂﹗

其實機位只要係一LOG入去個SYSTEM 就會睇到﹗

同埋我都係唔放心，其一韓國酒店好爆，我地唔可能再浪費時間，其二唔知如果退錢需時幾耐~~~

我真係好鬼驚果D差唔多出發先同你講無酒店房 / 機票有咩意外，咁真係好影響成個心情

之後我都係決定用返大型小小既美麗華，美麗華如果住WESTERN 成 $5005，其實都幾貴﹗

搞好左手續之後，等左2日都係無房

諗緊轉唔轉酒店之際，我響CX HOLIDAY見到個平D 既PACKAGE，都幾吸引，住HILL HOUSE (明洞附近)，6D5N $4561，自己訂個TAX 只係 $817，美麗華收 $850﹗

比較學聯個PACKAGE，其實HILL HOUSE 係好過ULJIRO，成個PACKAGE 只係貴左$4XX，即時上網搞手續，不過酒店仲係WAIT LIST

今朝終於都收到CONFIRMATION﹗睇過D 相感覺上HILL HOUSE都唔錯﹗

大堂



浴室

STANDARD 房 1




STANDARD 房 2

唔知點解 J好似真係好想去韓國、同埋好想響我地ANNIVERSARY 4月21 號都響韓國﹗

哈哈﹗可能我唔太注重呢D，所以見佢咁執著都有小小搞笑~~~

ANYWAY 終於可以PLAN 行程﹗