丼丼屋

之前見到思樂佢地一家人試食丼丼屋既相，心思思已經想黎試﹗

是夜揀左太古睇戲，順理成章，不過原來距離MCL 都幾遠~~

我地7:00左右到都要等差不多20分鐘﹗

入面都幾大，俾我感覺有D似大戶屋~~~

不過佢有D野食都幾"特別"

原本我想試個親子滑雞，不過最後叫左樣新野~~~

一黎到果下都有小小驚嫁，好似一碗千島醬 + 烏冬﹗

<<忌廉明太子烏冬>> 我唔愛多醬既野食，所以...........



不過D明太子鹹鹹地，都幾好味﹗

J 話D烏冬好似糯米，好LIM，我地一人一半分左，食完都幾"JAI".......

而J就揀左呢個丼丼屋定食，有牛肉飯+烏冬，呢個烏冬同頭先口感有小小唔同，呢款好味D~~~

至於個飯我食左一啖，無咩特別﹗

定食仲包括:面鼓湯、積物 & 沙律﹗

如果好似我咁叫左一個烏冬 + $15就可以轉SET~~~

4樣野都OK﹗

我地仲加左個玉子，玉子真係好易整得好食，熱辣辣，好味﹗

會有下次，食返我果碗滑雞先~~~