餐台 + 梳發

 

呢輪到忙揀傢私， 其實好多傢私我地都訂造左，衣櫃、鞋櫃、廚櫃、洗手間櫃、鏡櫃~~

餘下只需電視櫃、餐台、餐椅、梳化、床肉 & 床架.....

呢一日去左北角 & 九龍灣行~~

 

買呢套餐台係一個機緣

話說我個師傅係我同事介紹，我地覺得燈槽個色唔岩師傅就SEND 左我同事間屋張相俾我，睇下黃燈個效果~~

我地個FOCUS 就去左套台度......

真係好靚，自從日本見過餐台襯Bench 之後一直都忘不了~~

我地第2日就去左睇，我自己一直都鍾意木，不過我老公鍾意黑玻璃面，我地果日周旋左好耐﹗

老公覺得木呢套貴，不過原來佢而家一套買連梳發，減1000

好抵.....於是即買~~

梳發我地睇岩呢個款，完全係老公鍾意既Color，我就好鍾意佢D 木腳~~

$2999 去邊度搵~~ 仲要聲稱實木腳~~

而家只係未買電視櫃，因為我地個位好窄，只可以放55吋，所以選擇不多﹗

老公鍾意呢個款，不過我唔係特別鍾意.....

再去深圳睇一睇﹗

差小小就可以搬入去住喇﹗