櫃 & 一事無成的一日遊

師傅幫我地訂造的櫃到齊了，油油只係油左一半，而家半個廳都放滿哂雜物﹗

我地想埋去度一度窗廉長度都做唔到，想入房睇下個地腳線都入唔到~~

因為唔知下一步程序，於是打左俾師傅

因為我地無換地板，所以師傅會先幫我地掃一掃地，之後就裝個櫃上去，因為櫃到頂，所以就算個底唔乾淨，都無人知.........

如果有時間我都想自己上去抺一抺，好似安心D，小潔癖.......

上圖份量係一大衣櫃、一洗手間地櫃 & 一個窗台櫃~~

去完新屋當然又係睇下傢私，訂下電器 & 目標買鎖﹗

我地先去海怡廣場睇下有無野岩買，不過傢私都係太大件，再唔係太貴，老公睇岩一張Yim Chair， $12000，佢話好想買，不過我話睇下新屋入左伙之後仲有無位放先~~

行完一圈已經差不多5:00，食左個下午茶就出旺角，點知171超慢，去到旺角已經7點半，我地先去左睇鎖，之前睇過果間已經Closed~~

見好多鋪都開始Close 於是我地就返黃大仙，諗住2個人打個邊爐，2個人買完料已經8點幾，去到樓下先醒起自己無帶鎖匙 & 屋企人全部返左大陸........

原本係諗住屋企無人，聽日又要去深圳，先打算返黃大仙.........XD

唉﹗真係好對唔住老公﹗

於是傻瓜就同老公搭車返香港仔，好慘呀~~

諗起第2日要返深圳都已經好支力好支力喇..........@@