深圳買傢私

一早起身，準備上深圳，準時11點半到達商業城~~

見到媽咪同細佬已經開左茶位，仲叫左10倨點心等我地......

食完即刻的士去保安北路，好百年，4個人都係搭左 RMB 23 ，好抵~~

我地一口氣行左好百年同隔離2間家之福!!

好百年，我地睇中左一套梳發，RMB 6999........

家之福就買左3個床架，一張台、4張椅~~

睇岩之後又要安排運輸﹗ 集運平好多，又要一間間咁夾......@@

最麻煩係我地唔識自己裝，一定要叫師傅跟車上去，再跟車返落深圳，又要搵人搬上2棲、3樓.....

好彩個Total 運費都唔係好貴，RMB 1000~~

套餐台椅係老公之前響香港睇岩果套，香港買$4,000，深圳只係 RMB 1780......

可能我地唔係成日上去住，於是揀得都比較隨意，只要唔係太貴，樣子又OK，我地就算喇~~

我見到呢張粉紅色唔知點解諗返起細好想要一張公主床，最後捺左差不多款的淺紫....XD

少女感覺~~

連埋油壓，我果張床都係RMB 2100，細佬貴小小都係RMB 2600!!

最大件事係套梳化，因為佢地做緊推廣，如果俾RMB 50 做左會員，12月7號去香蜜湖活動即時會俾個九折，再由嘉賓抽一個2個位以上的神秘折扣，即係at least 都有 20% Off，好吸引~~

因為媽咪佢唔想再走黎走去，細佬又要返工，於是都係得返我一個可以上去，老公夜晚又要趕踢波，所以如果可以我想自己一個人上去就算...........

雖然我知老公都唔會俾我咁做..........@@

其實仲未買齊，細佬又想整假天花~~

都唔知仲有幾多野要跟，好累呀!!!!!

不過為左果20% Off ，我都會上去，哈哈，順道買燈........

希望抽到半價咁就抵喇，放心我地應該無俾人呃，因為我地張梳發個牌子香港都有!!

12月7日深圳見~~