星期六因為間跌打館無開睇唔到，不過打電話去果時態度已經好差.....
點知星期一Justin放左工去睇，佢仲更加離譜~~~
佢睇一睇Justin隻腳就話無可能更加痛
大佬如果唔係痛洗唔洗黎睇呀
仲話佢有扁平足應該一向都痛
都話扭親之後先痛而家又話佢扁平足又話應該平時都有痛
如果真係扁平足點解你第一次唔講
到醫到而家痛喇你先話有
仲話佢醫唔到Justin叫佢去睇西醫食類固醇
我唔明點解佢係中醫會叫人地食類固醇﹗
我唔明點解佢可以咁不負責任......話醫唔到﹗
咩叫做醫唔到呀....
咁你應該唔好開門做生意啦﹗
一陣醫死人點算好呀......
答一句我都唔知點解佢會死ga...咁就算呀.....
我諗都無咩人知道中醫會幫人做超聲波....
講真我都係第一次聽，第一次睇到﹗
其實第一次問佢做左會唔會好d，佢好簡單答話消炎去腫﹗
我地呢d一般人又點知咁多野.....
以為係好，咪做lor~~
而家反過黎話係咪我地要求.......
咁你係專業黎ga ma~~如果唔係點解我要睇你呀??????
講真真係好激氣﹗如果遇到呢d咁既中醫大家可以去中醫藥管理委員會投訴
電話: 21211888
俾多次間野既資料大家
趙醒楠跌打醫館 (趙惠明同趙建昌係趙醒楠兒子)
西營盤皇后大道西360
電話: 2546 7867
致: 中醫藥管理委員會
敬啟者:
本人於2009年5月27及28日，因扭傷腳部到位於西營盤皇后大道西360號趙醒楠跌打醫館求醫。店內有趙惠明和趙建昌2名師傅，27日當晚由一位身形較肥胖的師傅診治，28日則由另一名個子較高的師傅診治。當日是端午節，電視正播著 “都市閒情” 介紹肚風舞，趙師傅一邊幫我診治一邊大叫他妻子學跳肚風舞減肥，又恥笑電視上的肚風舞導師肥胖就不要教人減肥。這樣是一名專業醫生應有的態度嗎? 當日我曾經問及做超聲波會不會復原較快，個子較高的師傅稱可以消炎去腫，於是就幫我做了一次超聲波療程，之後包上該店藥物便離去了。但翌日我發現患處比之前痛楚更大，心想可能過多一日會好轉，但痛楚仍然，所以本人於5月30日致電欲查詢出現如此情況是否正常，但趙師傅堅稱沒有可能比之前痛楚更大，指責是否本人堅持要做超聲波，如果是不應該做超聲波，但為何當日趙師傅會幫我做這個治療? 事後又把責任推到我身上? 趙師傅是一位專業醫師，本人相信他才去他醫館治療腳傷，但為何現在會變成是因為本人要求做超聲波而有問題? 其實本人也是第一次在趙師傅的醫館才知道中醫也有超聲波，根本不清楚超聲波的功效，只相信趙師傅說的可以消炎去腫。當日下午我再到醫館可惜診症時間已過。星期日也是休息的。6月1日放工後我再到醫館，趙師傅幫我看了幾眼，跟我說: “ 你自己本身有扁平足，應該平時都有痛，係你本身有問題，我醫唔到你嫁喇，你去西醫度睇啦，我幫你唔到嫁喇，叫西醫開類固醇俾你啦” 扁平足? 為何會突然有扁平足? 我是因為扭傷才腳痛，為何現在說我平日也應該有痛? 第一次診治時為何沒有這樣說? “我醫唔到你嫁喇” 如此不負責任的說話應否出自一名醫生口中? 是否這樣就可以一一將責任推到我身上?
本人為此感到十分氣憤，故寫信來投訴。希望得到 貴會答覆。
投訴人
咁大個人都未試過嬲到打投訴信﹗希望呢d事唔好再發生....
沒有留言:
張貼留言