婚禮回顧 - 晚宴篇

因為去男家同外影，細佬無咩幫手影相........所以直接跳到晚宴~~

(之後等埋攝影師D相再補返)

由於外影左一陣就落雨都無咩心情，於是我同J, 伴娘 & Andrew直接回門，班兄弟姐妹就返酒店﹗

其實都應該響數碼港入面影下，浪費左化妝師個妝~~

我返到酒店其實已經5點，個人定左好多，係搵NUDE BAR 搵左一陣，唔好問我點解要自己搵，總之最後搵到就得喇﹗

之後就轉妝準備迎賓，不過6點前應該都唔係好多人黎左，直到7:00 都未夠一半人，都有小小擔心一陣MARCH IN 仲未齊人~~

原本想席前 RECEPTION 同MC 夾一夾如果果台D人黎到7788，都叫佢地上台影張相﹗

不過發現原來都唔係幾WORK，因為真係好難齊人~~

見到個BACKDROP 果下個心定左好多，因為都幾滿意，個色真係同望電腦圖 2回事，真實淺好多﹗

好彩都好靚~~

襯D人未到我都有同D兄弟姐妹影下相﹗

果下心情真係完全放鬆哂，唔知呢，因為我感覺晚宴一定會好順利~~

LOGO 大愛~~

中間個通花整得好靚﹗

原來我地應該企定定響個台等D人上黎影相，不過當晚麥生狂走黎走去，得返我一個，實在太無奈~~

7:25 伴郎已經叫我換婚紗，不過我真係唔多捨得件TIFFANY BLUE，所以最後送客都換返~~

8:15 正式MARCH INN，估唔到都幾齊人﹗

由MARCH IN 片段你可以睇到當日個氣氛真係好好，好開心~~

完成個儀式之後我同J 分別多謝左各方親戚朋友，J 個SPEECH 好多人讚，我就有小小緊張﹗

終於晚宴開始，我食左2件豬就入去換衫喇，仲要戴返今朝D 金，其實MP 個新娘房幾好，有個夾萬之餘仲有2個櫃可以鎖咁大大個袋都可以放埋入去﹗

換好衫之後就入場，呢件我都好愛，估唔到都大受好評

之後播左求婚片段，原本以為我唔會喊，點知最後都係忍唔住.........@@

補補妝之後就開始敬酒，酒店STAFF 真係好HELPFUL，佢地一早預左個位俾我地企埋去敬﹗

所以真係好快就敬完~~

除左雙方家長，仲叫埋班兄弟姐妹，真係好大班人，我好搞笑，明知係氣水，唔識就住黎飲，敬左幾圍就飲哂.........XD

搞到要羅兄弟果杯﹗

之後仲播左求婚片段前傅，我感覺有小小長，不過我D同事個個都話好笑﹗

之後就換返TIFFANY BLUE，EMILY 特登趕過黎飲，真係好好朋友﹗

都唔記得幾多點播到早拍晚播，不過我8:45 證完，佢短短2個鐘入面做到咁多野，真係好勁，好專業﹗

終於都感覺到咩係專業~~

酒店安排既所有野我都好滿意，菜單都幫我落埋LOGO~~

第2味我食到既就係燕窩........XD

之後就無食過其他野喇~~

我連望都無機會既生果盤﹗(多謝蘇菲幫我影低)

我其實無試過菜，不過估唔到我問大部分人都話好味......

WOW 喜出望外~~

原本我想安排豐盛黎回收D 食物，不過最後都唔成功，下次大家要好好同豐盛 & 酒店溝通溝通﹗

都有唔小賓客SEND 返CJ 3眼仔俾我地，真係好靚﹗

仲要個個都話好味，不過中間送貨都有小插曲，會開一篇Tender Review 另外講﹗

所以一切錢都無洗得抵~~

靚靚CANDY CORNER，我好似望過一眼，希望攝影有幫我記低啦﹗

送埋客牌11:45，不過大家好似未玩夠，於是幾個兄弟 & 伴娘同我地上左房~~

開香檳 & 食野、仲有精存玩~~

除左消夜，仲有飲宴既餘物﹗

我都食左D，其實翻熱都唔差~~

真係好多野食~~

不正常人類..........@@

仲係咁玩得~~

朝早同唔著既眼罩，夜晚用左黎玩.......XD

壞人﹗

就係咁我地玩下玩下都差不多3:30，我只係落左妝 & 沖左涼就支力到訓左~~~

呢一日真係好充實，好開心，充滿左回憶

再一次多謝大家