麥太生活

不知不覺結左婚都一星期，呢一個星期都只係返左一日工，其他時間都係同麥生去左食玩買............XD

雖然仲未有時間UP 返婚禮既點滴，不過都好想記低成為麥太之後既生活到底有咩變化﹗

結完婚第2日，特登由加拿大返黎飲 & 做兄弟既麥生表弟要搭飛機返去喇，所以佢要去送機，我地食完早餐之後，佢就出發去機場，我就留低執好酒店既野~~

早餐都幾多野食呀，夠4個人食，J 果個麥皮好好味呀，其他野都幾好，不過唔明點解又有果汁，又有熱飲，太多喇~~

戰地.........@@

Check Out 左之後我去還掛，等埋J返黎之後我地就搭的士去上環還埋D 裙，一切都好順利呀﹗

搞掂當然係返屋企抖下啦﹗

抖多一日星期3就去左北角Harbour Grand Hotel 食 Buffet~~~

望到都覺得幾多野食，雖然我婚前無特登減肥，不過胃口真係細左，所以就算食Buffet 都唔係食左好多﹗

第1 Round 蟹腳、龍蝦、火腿、生蠔.........

餐前包一杯飲品，J 揀左白酒，我揀左可樂~~

鵝肝，聞落好香，食落麻麻~~

生蠔都幾新鮮，不過無咩蠔味，J 食左5隻JA........

歷史新低~~

第2ROUND 食熱野，青口好好味，其他2樣普通，湯都一般~~

雪糕有12種味，我地試左9種，雪吧唔好味，其他都OK~~

雖然食得唔多，不過都大滿足~~

因為假期前，所以價錢貴小小，用埋85折平均一個人 $500，不過我真係唔鍾意食Buffet 喇~~

之後果日假期我地去左街買送煮飯，仲玩左BIG DAY 無機會玩既BUBBLE 機﹗好正~~

真係好多泡泡，下次要約埋童童去公園玩.......

第一次整蓄茄牛肉，好易整好好味﹗

J 整左豆鼓凌魚炒菜，不過應該程序出錯，搞到D 魚無哂味，下次應該整左菜之後先爆一爆D魚~~

4月第1日返工，放左工之後去左食炸豬扒，仍然出色，我地又食到好飽........XD

J 話想買個蛋糕食，揀左香港富豪酒店，呢個係新嫁，幾得意~~

不過朱古力怪一定揀黑森林，好彩都好味﹗

星期六過左去尖咀，因為隻甲有D閃石甩左，要去補返~~

呢間真係幾唔錯，個女仔又好傾，寫明哂價錢，唔會好似上次咁無LALA貴左一倍，遲下要寫返一篇講下今次GEL 甲先~~

整好左之後J 話想食麥當當，哈哈......咩事有咁熱氣食咁熱氣......@@

再行左陣街，買左2對鞋，1個袋﹗

終於都買左SALAD 個袋喇，雖然係貴小小，不過有麥生補貼，抵﹗

不過係驚隻色太女仔.....XD

唔襯我呢個麥師奶~~

The One 樓上Display 緊企鵝Product，好搞笑呀~~

肥仔.........

之後仲去左港威睇戲，J 揀左白宮淪陷，我其實一向都麻麻地太美國主意既野，呢套片真係太美國喇.........

雖然同而家呢個世界大環境有D似，北韓、美國、南韓、日本............

願世界和平

結婚一星期當日我地又自己煮，J 負責叉燒、炒蜆，我就負責叻沙 & 薑汁芥蘭~~

個叉燒好味到呢...............

入口即溶~~~

蜆好新鮮，不過唔夠鍋氣，同媽咪果D 真係無得比~~~

超多料叻沙，味道都幾唔錯~~

因為太多食唔哂，我地仲留左D 第2日煮米粉，好好味﹗

麥太生活既呢一個星期真係好開心，不過其實都係同平時一樣﹗

返J 屋企第1日，我好自然咁叫左UNCLE，老爺好好咁叫我改口，之後夜晚我試下叫老爺點知佢無反應，原來第一次有人咁叫佢唔識反應......XD

之後仲試過跟J 叫阿巴，不過奶奶話女仔咁叫好似唔係幾好，於是最後定案叫DADDY~~

我真係好幸運，佢屋企人都好錫我.......

我知道將來我地都會一樣咁幸福 =]