給Justin的第一件溫暖牌(其實我忍左呢間冷鋪好耐﹗)

因為星期五Justin要開會，同埋星期六要返工，我媽咪又返左黎wo~~

所以Happy Friday都係陪下屋企人.....

媽咪返黎當然有好野食啦﹗

話說星期六我約左Justin 之前就一早出左門口，3點就到左冷鋪﹗

其實我仲有一邊夾未織好，同埋個領~~

target 開左條邊再響旺角織好佢，再叫佢開個領~~

我放低左件衫之後就行去電影中心(因為之前抽中左Preview ticket)

估唔到佢勁快，3-4個字就call back我喇....

咁我就行快d返去羅返件衫，織織織.....

之後5點倒就又返去叫佢開領~~

(因為我得一支針，所以要整完一度至可以開第2度﹗)

果個人同我講你個領點解織到咁ga???你織到咁我就是但幫你挑個領ga la~~

我答佢我係咁咁咁織既~~

佢好似聽唔明咁，無理到我....個樣係好似同我講都sai氣咁~~

喂~~大佬人地第一次織如果咩都識既我唔會黎叫你教啦﹗

之後我就去左一邊行街一邊等喇~~

行下又一個鐘行下又一個鐘~~

到7:30都仲未有人call我......

我就行返去King Wah睇下個進度，點知果個人唔響度，我諗住行下...點知撞到佢買野.......佢明知我等緊點解仲走黎走去~~

之後過左一陣我又過去冷鋪睇下，點知佢先岩岩開始~~

果下我真係好嬲....我等左2個鐘都未整~~

我知個領唔易整，我知有其他客﹗

但如果你整唔到係咪應該叫我第2日先黎整過呢???

說話單打，語氣好差不在話下.....

最後等到8點半終於都得喇~~

佢仲教得勁快我完全跟唔到....而我亦決定自己試下﹗

雖然最後都係失敗左~~我都係要再去學多次~~

不過我深信，織埋呢一件我以後唔會幫襯呢間野~~

如果你唔想幫我整，唔想教我可以出聲....

我咪去第2度lor~~~但唔係我買左冷之後叫你教就咁既態度ga~~

下次唔洗錢我都唔黎呀~~

自問係一個忍得既人，自問學野都快~~點解都整到我咁嬲~~