北角添好運

自從旺角添好運出左名之後試過2-3次去排，但都係唔成功，知道佢開左幾間分店於是揀左北角試一試﹗

我地當日2點倒去到，門口居然無咩人，個STAFF仲話好快有得入

唔洗排就有得食，感覺好正~~

入面都幾大，不過佢開放式廚房，我地住左響廚房隔離D位，真係好熱，一邊食一邊流汗

點心價錢由$14 -$22，$22一碟點心都好似幾貴~~~

第一碟黎既係叉燒腸，聲稱用拉布方法整，不過感覺上唔多似細個食既拉布腸﹗(普通)

第2碟係台台都叫既酥皮叉燒包，其實我唔愛叉燒包，呢種酥皮都唔係我杯茶~~~

所以我既評語應該唔可以作準~~

第3樣係排骨飯，得一粒鳳爪﹗都幾乒味，不過個味道有D怪~~

反面D排骨就幾唔錯，滑~~

馬拉糕我就覺得OK，J就話好差，無味﹗

燒賣都係普通，唔值 $22﹗

反而牛肉球唔錯，我平時唔鍾意食，都食左一粒﹗

加埋每位$3茶錢，結論係: 如果旺角都係咁上下既食物質素，叫我排幾個鐘.......唔食好過﹗