星期二又去睇戲喇﹗
一直都聽朋友講呢套戲超感人﹗
終於都叫左阿風陪我睇喇﹗
點解唔同Justin睇??因為覺得佢唔會鍾意呢類型既戲﹗
故事開始一對夫妻已經罵戰﹗
老婆因為老公對自己媽媽說了Holly is not ready for a baby
因為未住大屋無錢而唔想生BB﹗
老公話窮人無錢但佢地仍然會生仔﹗
2個人鬧到火紅火綠﹗老公走左出門口﹗
佢地2個好似唔多好呀﹗因為一句說話都鬧到咁﹗
點知好快個老公就返黎喇﹗
2個人攬住Say sorry﹗
可能呢個就係佢地可以相處10年﹗仍然愛對方既相處方式﹗
好快老公就死左喇﹗
Holly一個人留響屋企﹗一個曾經係2個人一齊生活既屋企﹗
原來睹物思人係真ga~~~
佢一直打佢老公個電話﹗希望響Voice mail聽到佢把聲﹗
又著佢老公d衫﹗完全好似失左控咁﹗
又成日都幻想佢老公仲響佢身邊﹗
直到老婆30歲生日果一日﹗佢收到老公既生日蛋糕﹗
人明明死左﹗但佢老公話會寄信俾老婆﹗
等信同埋做信上面既野就成為佢老婆之後既生活﹗
佢叫老婆去玩仲要扮到靚靚﹗
佢叫老婆去唱K﹗(好感人﹗佢唱歌果一刻)
佢死之前安排左老婆去Ireland旅行
Ireland係老公既出生地﹗亦係佢2個人定情既地方﹗
無論去邊老婆好多時候都會帶埋老公既骨灰﹗
其實唔洗多講都知佢地2個係好愛好愛對方﹗
我鍾意佢地第一次見既情景﹗
可能2個人一齊真係有命中注定﹗
老公安排老婆再一次經歷以前2個人所經歷既野﹗
可能就係想老婆慢慢放低佢﹗
中間有好多感人野﹗有好多好笑野﹗
最後老公幫老婆搵到佢既興趣就係Shoes Design
我好鍾意佢老公話 my chapter ended﹗but 老婆會有新既chapter繼續落去﹗
其實有好多野都唔係我地控制﹗特別係2個人既關係﹗
可能有一日你都會離開我﹗或者我離開你﹗
但你都要記住要好好記住呢一刻
簡單的我愛你你愛我﹗
(離開可能係因為要迎接新的生活)
2套戲既配樂都幾好wo~~~
開始留意其他野﹗
題外話﹗我做左BC Member年幾﹗
直到而家先知原本買爆谷都有discount﹗之前一直都唔知﹗真白痴﹗
珠3角快d走﹗><
沒有留言:
張貼留言