巨爵

2009年9月14日，我諗好多打工仔都好期待可以早d收工﹗

之前既幾個台風都係靜靜的來、靜靜的去﹗

訓訓下掛8號，訓醒就咩事都無發生過...........

原本今次聽到午夜最接近本港，心入面都有小小覺得 "又係咁"

不過一到晏晝大家都好似就放工咁.........

直到4點天文台話6點左右會掛8號﹗

其實講真丁點開心都感覺唔到，因為記憶猶新，有一次返返下工掛8號，搭車返屋企塞左響金鐘成個鐘﹗又熱又焗，好辛苦~~~

我阿Head到5點都未叫我走，不過有個同事叫埋我一齊於是我就走左喇~~~

Justin平時都放5點，今日都一樣，不過就多人好多...=.=

我響街市買左個菜，一個茄子就去等巴士同等Justin~~

好彩地鐵都唔係好多人，Justin都好快黎到﹗

原本d巴士都好鬆動，第一架車仲有好多位，第2架無咁多位喇，第3架開始Full，到我地上車果時條龍真係好長，同埋已經無位坐喇~~~

無論點，都一定好過MTR~~

雖然返屋企中途都有小小塞，不過都比預期中快...........

返到屋企，風開始大，開始有雨

成晚都聽住雨水拍打Window~~不過有Justin響身邊都感覺無咁驚~~

PS: 係因為媽咪佢地返哂大陸，我先留響Justin屋企﹗

第2朝 10:15 就落左8號，12:15返到公司﹗

其實1點都食Lunch喇.........真係開一開電腦就食Lunch~~

無謂﹗

不過如果你問我，我真係唔想打風，因為我地放工辛苦，有好多人屋企一打風就水浸，好慘﹗果d露宿既人仲慘，風大雨大...........