又食住家菜

星期六日我要去長隆玩，不過今次無Justin份，佢話星期五晚唔得閒，於是就約左星期四一齊食晚飯﹗

佢又心思思想飲住家菜d湯喇~~~

咁都好，之後我煲得一手靚湯既時候，佢咪日日都掛住我lor~~~

一煲湯，2個送，2碗飯，飽到咩咁呀~~~

是日靚湯，西洋菜煲豬骨....(好易jei~~下次我都試下煲先﹗)

Justin飲左6碗.........(有無咁好飲呀????)

叫左上次食唔到既西檸柚子雞，西檸雞係Justin其中一樣最鍾意既送~~~

我地仲研究左點整，諗住下次一齊整﹗我真係好鍾意咁.............

呢個蜜燒卜卜蝦超好味﹗ $80 都有差唔多10隻ga~~

蝦ok新鮮，不過佢個汁真係正到呢.............

我諗整豬扒 / 雞柳都一樣好味~~~~

落order果時發生左小小搞笑野 (因為我地唔知咩叫卜卜蝦)

Justin: " 唔該，我想問咩係蜜燒卜卜蝦呀???"

阿姐: "蜜燒卜卜蝦，係蝦黎既，有d蜜糖，燒下佢﹗"

wahahahahahaa~~我即刻忍唔住笑，心諗唔通蜜燒卜卜蝦原來係燒豬?????

好慘呀~~~我因為副con唔岩，搞到隻眼有d角膜水腫，同埋個眼珠位因為副con太緊搞到唔再sharp.........唔知幾時好得返，呢排都要戴住眼鏡做人，好慘~~~~

應該係因為上次去beach發現唔記得帶con，於是臨急臨忙響銅鑼灣一間眼鏡鋪度佩左一副，果日佢連眼都無幫我驗，我就咁講幾多度佢就俾一副我喇 (仲要唔平ga $190)...........所以我真係覺得龍翔中心入面果間眼鏡鋪好好，佢地幫我check得好詳細，我買con佢都會俾我試真d個弧度，睇下我對眼岩唔岩﹗可能佢未必最平，不過佢服務真係抵返﹗我試完之後唔知道佢要keep返隻con去返廠度換，我連埋紙巾一齊掉左，後來搵唔返，佢都無話我﹗不過真係好唔好意思，視光師仲解釋得好好，教我應該用咩藥水，而家隻眼咁佢又教我用洗眼水，仲叫我下星期返去再俾佢睇下﹗

星期六日去長隆先麻煩，所以我佩左d one day con，睇下果日隻眼點，如果無咩事，我應該都可以戴﹗視光師話如果痛就唔好再戴﹗希望快d無事啦﹗

尋晚發生左一件事，其實而家我同Justin一齊訓果張床好細，我地都成日都講笑話一個要訓地下，咁尋晚我上左去先，我就叫佢訓地下唔好上黎﹗點知佢上到黎，勁大力推我，咁我諗住推一陣就算啦﹗點知我訓落床果時佢又迫住我，又宅住我﹗我個肚唔舒服，覺得佢玩得太耐喇......咁我就自己一個落左下面坐，其實果一刻覺得好唔開心，過左一陣佢都有叫我上返去，如果佢真係訓著左，無叫我上返去，咁我諗佢真係好唔錫我喇﹗我其實都唔期望你會好似當我係公主咁錫我﹗不過.........................唉~~唔識講﹗可能真係玩大左喇~~~