只要身體健康就好喇~~

Justin星期一開始唔多舒服﹗

成日咳又好多tam~~

但因為星期一去左睇脊醫，無去睇到醫生~

先講佢條頸既問題先﹗

佢一向都有頸痛，今次認認真真去左照x-ray，之後再搵個脊醫專科醫生去睇﹗

發現生左3粒骨刺，同埋頸椎唔多直~~

好彩醫生話去10次可以好得返，之後多d游水可以減輕病情﹗

佢真係太俾心機做野喇~~

做野果陣咩都唔記得，連行都唔行開﹗

試問連續咁多個鐘keep住個姿勢點會無問題呀~~

希望今次真係可以解決到呢個問題啦﹗

星期二朝早起身，佢話勁暈﹗

又咳得厲害左，成晚訓都出冷汗...=.=

都係唔返工陪佢睇醫生好d﹗

我地訓到12點就去睇醫生﹗醫生話佢感冒﹗但點解無發燒既!!!???

之後我地就去左飲茶，食左藥返屋企抖左一陣，煲左個粥﹗

都幾好味ga.....

有瑤柱、粟米、柴魚同蟹柳﹗

食完佢話好返好多喇﹗

佢仲話如果無我照顧可以暈左都無人知，失救死左wo~~

正一傻瓜~~

希望快d無咳、無暈，健健康康咁返工﹗

前一晚我見佢咳，於是請教媽咪燉左個川貝豬月展湯﹗

味道就苦苦地﹗佢飲左2大碗~~

雖然功效好似無咩，不過我終於可以響佢屋企煲到個正常既湯喇﹗Yeah~~