世界盃 2010

追返上星期尾d blog先~~

星期五世界盃終於都開鑼喇~~

Justin係一個超級足球迷，唔單止鍾意睇，仲鍾意踢﹗

是晚我地仲買左個蛋糕慶祝呢件盛事~~

哈哈，係咪好白痴ga!!!???

呢個係聖安娜新中既香蕉朱古力蛋糕~~

其實同55度 / 75度果個好似﹗係多左d蕉響中間﹗

唔係講笑真係好多蕉....=.=

蕉都係新鮮食好味﹗加左落蛋糕....麻麻啦﹗

是晚因為要趕返屋企，我地買左小小送就返去喇~~

2送一湯﹗好味好好味~~

又響通少度偷師學左呢個蒸豆腐~~

其實好簡單，又好味﹗加小小魚肉同埋蒜蓉豆鼓醬，隔水蒸10分鐘~~

不過可能我自己片到d豆腐太薄勁易散呀~~

蒸完仲有超多水....=.=

到底點先可以解決呢個問題呢....!!???

anyway 都好好味~~

牛肉炒青椒絲鮮百合~~

我好鍾意食鮮百合ga，Justin就第一次食﹗

照足媽咪話最last先落炒一陣就得﹗

真係好新鮮呀......

本地鮮牛肉我食左一塊ja~~

魚肉瑤柱冬瓜粒湯~~

瑤柱應該係靚野，煲左一陣個味好香~~

呢個湯清清地，又好味﹗下次可以再整~~

我地無睇到個開幕，只係睇左第一場比賽﹗

平時睇now 的高清，今次要睇有線高清，感覺now清好多﹗

不過有線個super slow motion 都幾得意~~~

哈哈﹗完全睇到果個人既面部表情﹗

麥大少對住個大大投影機，食住巴拿馬火腿、魷魚乾、薯片、蛋糕，飲住可樂咁睇波~~

真係嘆到呢............

不過日日係咁...........我都擔心佢健康呀﹗

so far 睇左一個星期喇﹗感覺好似無英超咁好睇~~

但有某d球員真係好出色﹗

希望之後比賽會更精彩~~

我仍然會支持有4名車路士球員(林柏特、泰利、A Cole、Joe Cole) 的英格蘭﹗

加油呀~~