呢排咩都世界盃，好彩仲有星期六日可以出街玩陣，響七點半前返到屋企都ok~~
星期六晏晝Justin陪完婆婆、媽咪拜公公之後我地去左觀塘睇戲﹗
Justin同我講婆婆見到公公個靈位仲係會忍唔住喊...........
已經五年喇﹗
果一下我好感動，雖然我唔知道公公同婆婆既故事，不過我覺得公公好幸福，仲有一個人響世上係咁記掛住自己~~
Justin問我如果有一日佢死左，我會點﹗
唔.............................唔諗~~
哈哈，好喇﹗講返套戲先﹗
先要多謝kenny幫我買飛(用staff價) 仲請我地食爆谷﹗
哈哈.........save左唔小﹗
睇個片頭都知呢套戲搞笑~~
不過中間都幾多野睇，陰謀啦，爆破啦，智慧啦﹗
好認同其他人話人物性格好鮮明，而正正因為咁鮮明，所以好搞笑~~
故事先要說明點解會有呢team人﹗
之後八年後既一個任務，如何令到佢地被人屈到坐監~~
再講佢地點幫自己洗脫罪名﹗
故事其實好簡單，不過真係拍得幾精彩同搞笑~~
不過最last 一幕真係太誇張喇....=.=
我地2個都嚇到呆左﹗
同埋我唔太搞得清楚邊個同邊個係佢敵人﹗邊個做左d咩.......=.=
到底點先可以改善我認外國人樣!!!!????
anyway呢套戲都幾值得睇﹗
睇完戲佢陪我行左一陣，又買左件新衫呀﹗差一點又買左條長裙﹗
佢要趕返屋企睇波喇~~
而我就要星期日一早陪屋企人去中山摘荔枝﹗
沒有留言:
張貼留言