一家人打邊爐

星期日雖然天氣唔係好凍~

不過媽咪就為我地一家人準備左一個火鍋同埋一個羊腩煲.....

打邊爐多d人最開心~~

有蝦、蠔、不同種類的丸(我最愛貢丸)、牛柏葉、鵝腸、豬潤、魚片、蘿蔔、豆腐(呢2樣我都好鍾意~~)當然仲有肥牛同菜啦﹗

原本想叫埋Justin既~不過佢之前拒絕過我.....唔理佢喇~~

一家人開開心心食左2個鐘~~

可能平時我地真係好少傾計﹗

不過我地一家都係好和睦的~~

大家都好關心大家，我見到爸爸食煙會打下佢個心仔﹗

咁佢就會知我唔鍾意，食小2支...

(煙真係好討厭，好彩同左Justin一齊之後佢"介"左)

不過都要了解爸爸真係食左幾十年~~

如果同細佬講想一家人去玩，佢都會抽時間..

細佬好cool ga~~好小出聲...

同埋佢返工好忙，得星期日一日假~~

日日都放好晏，有時連星期日都要返~~

媽咪而家身體健健康康，我都好滿足lu~~