控制情緒問題

近呢2個月我俾Justin話左好多次~~

佢話我成日都發脾氣，佢好辛苦...........

例一:

星期六我要返學，佢原本答應我黎接我放學，點知七點幾佢sms我話有波踢，而佢好想去﹗但我覺得佢應承左我先，而家又話去踢波，同埋我好唔鍾意一個人食野~~

其實我都明白，佢好想去，成個星期都無踢過，其實佢要開口問我都唔容易..........

不過我真係好唔開心，大家都講左d野去hurt大家，唉...........可能我應該支持佢去﹗咁大家都舒服~~

例二:

我地計劃左Easter前後去Cebu，Justin想連埋Easter放佢第一個年假，一放放18日﹗

之前因為我搬office而一直都未confirm到日子，某一個星期五終於都confirm到3月尾可以放，咁岩我上cebu pacific個website check到如果30號去，5號返1100 (未包Tax)，不過Justin要星期一先知道佢幾時可以放.........點知到左星期一機票加到1600，我覺得唔抵就無Book到.............

可能因為Book唔到，個人忟忟地，不過我應該知道Justin唔係好似我咁話幾時放就幾時~~

原本諗住轉CX Package，點知間間agent都話3月尾full左

之後我再同我阿head講，就confirm左easter完左先放﹗

其實等comfirm幾時放果幾日，我個人好tense，搞到Justin都好tense........

好彩4月中果段時間無咁多人，其實CX個時間好好，朝早9點，如果我做埋online check in可以8點先到機場，不過compare過d package之後，我地都係揀左Cebu pacific，我地10/4去，16/4 返，連埋Tax同埋揀埋位都係2402 for 2個人，而CX就貴1200，即係可以飛多一次，個機程都係2.5小時jei~~

希望我零晨機唔會太無精神啦﹗

而家仲未Book到酒店，因為4月保和d 酒店仲未有價錢~~

不過我叫左自己唔好咁緊張....如果靚酒店full左就住cheap d lor~~平d去旅行仲好，留多d錢去玩，同埋而家距離出發仲有個半月﹗

例三:

其實我唔記得Justin話我咩，佢話我成日自己唔覺唔覺就發左脾氣...........

唉!!!!之前既我明明EQ好高，咩都唔會嬲，又好小發脾氣，同埋好憎人鬧交，但可能我當左佢係自己人，其實有時我都會忍唔住發下媽咪佢地脾氣﹗

有好多人都覺得我地好Sweet，其實幸福唔係必然ga~~

都要大家付出同經營﹗

我知道自己唔同左，脾氣大左，不過你都要做好d，有時我忟係緊張你既野~