之後搵埋Iwin 佢地就食小小野喇，佢地就食完先去寄行李，可能就係因為咁遲左所以個行李無連機送去胡志明..........
(不過佢地食之前問左CX 係咪可以遲D 寄，CX Staff 話OK.....)
寄完我地就入閘喇，因為我想換化妝掃，所以去Duty Free睇左一轉﹗
去到閘口聽到有人Call Justin 個英文名........
明明距離佢話Delay 起飛既時間仲有15分鐘，真係感覺上俾CX 玩死﹗
第一次咁樣俾人Final Call 叫名，Iwin 話空姐講話有2個人未上機 = 我同Justin...........@@
上左機之後響個停機坪再等左半個鐘，即係Total Delay 左1個鐘﹗
機上面個電視無電影只係得劇集 & 綜藝節目....
都唔知係好唔好喇﹗
機程只係2小時 20分鐘，越南時間大約零晨1點先到﹗即係香港時間已經2點﹗ (越南比香港慢1小時)
估唔到呢個地方既夜景都幾特別~~~
落到機場就排隊過關，果邊D人做野真係好慢，可能佢地D 電腦好舊，我地分開2條隊，突然Iwin 前面有個女人等好耐都唔俾佢過﹗
關員又唔同佢講咩事，大約等左10分鐘之後佢叫另一個關員帶走左佢﹗
果下我都有小小驚，同埋被人帶走個女人，好似無事發生咁，好怪~~
終於都到我喇，J 俾我過先，一埋到去就俾個PASSPORT 佢，佢開左VISA 果頁掃一掃，之後就開始等喇﹗
我又係等左好耐，應該有5分鐘，好奇怪，果一下我都驚俾人帶走，而好彩，J 排我後面，如果有咩事佢都可以同我去﹗
再等多一陣，佢就響我個Passport 上面打左2個印，終於都過到關............
過左之後落一層羅行李，呢個入境大堂真係好細﹗
我地見到行李牌Display 我地班機D 行李響6號，點知係1號~~
唔問人真係唔知，好彩都幾多香港人，佢地個個都BOOK左車出酒店，我都好驚咁夜無車，不過最多搭黑的，我覺得一定有車~~~
J 先去羅行李，好快就羅左我地果2個，不過佢搵唔到Iwin 佢地果個，Iwin 佢地因為個女人阻一阻，所以遲左落黎﹗
點知之後佢地都搵唔到，我地去Lost & Found ，不過因為佢地無Keep 到張行李飛尾，果個人都唔知點幫我地..........@@
果下我都唔知做咩好，如果係我個行李唔見可能仲好，因為Iwin 易唔開心，同埋我唔想佢一開始就咁唔順利﹗
我見佢喊更加唔知點做，好彩果度D人幫佢入左張Form ，如果搵到就會送返酒店~~
我地就懷住複雜心情唱左USD 40 之後出機場，當日機場個Rate 係USD1 兌 VND 20,800
(估唔到咁夜都仲有找換店開，仲要唔洗手續費，好彩﹗)
出到去搵唔到果2間大公司既的士 (38.38.38.38 同 38.27.27.27)
果下又係唔知點好，有好多人話車我地，不過我都有小小驚﹗
之後突然見到38.38.38.38，點知我跑埋去，佢耍手應該係話唔車..........@@
迫於無奈都要坐黑心的，好彩佢又唔係開貴我地好多， VND 200,000 即係大約USD 9
我知平時買的士卷大約USD 7，我地有4個人其實都係貴左幾蚊一個人﹗
好彩的士過程好順利，Check in 亦都好快﹗
終於越南時間3點左右有得訓，真係好慘，唔知點解會搞到咁夜﹗
越南盾下下都5-6個零響後面，我到第4日都仲問緊到底VND 100,000 係等於港紙幾多.................
沒有留言:
張貼留言