越南Visa

其實前幾年已經想去越南，不過因為J 擔心太落後，所以一直拖到今年有人同我地一齊先敢話去~~

另外一個一直拖既原因係因為越南要整Visa，我第一次去一個要整Visa 既國家﹗

先唔好講錢，佢要求你填一份Form，交一張4X6 既相片，同Passport正本~

呢幾樣野已經夠煩..........

仲要Visa 由2013年1月1 日開始加左價 $330 加到 $500

不過估唔到仲係好多人去整，應該係因為CX 開左好多平既直航去越南不同地方~~

過程其實好快，佢睇一睇個Passport ，睇一睇張Form ，俾錢走得﹗

不過果度D人做野好慢，如果你前面有10個人分分鐘可能要等半個鐘~~

以下係令我反感既申請過程，第一次上去我前面果個人張相Size 唔岩，佢照俾佢入﹗

咁影過相果班人咪好傻.............

佢一時分2條隊，一時又一條，令到人好混亂~~

交錢一定要俾現金﹗

我見到佢有時就咁放申請者D Form 響台面..........

可能我呢2個星期去左好多次，所以真係幾反感﹗

感覺呢個VISA 真係昆人水~~~

就係用 $500 去換呢張貼紙~~