好彩一到樓下就有好消息,原來個GIP 無跟架機一齊過黎,仲響香港~~
都好呀﹗咁即係唔係唔見左,CX 話佢會搭早機過黎,之後就送去酒店,酒店仲一早打上去Room 話俾佢地聽大約3點就會到.....

食飽飽之後就正式出發,第一件事當然係唱錢,我諗住去Sinh Tourist 附近D 找換睇下,點知唔記得帶地圖,只係靠記憶行行行~~
明明原本五分鐘內到,點知行左好耐都搵唔到.............@@

遠處見到呢座野得特意,以為係教堂,於是入去睇下﹗
點知原來係越南人放骨灰既地方,佢地好得意,好多骨灰 / 墓地就咁響市中心,人就住隔離~~~

行左一圈又返返酒店樓下,上去羅返張地圖,原來我地響前一個街口轉左彎......

好彩大家都唔介意行下,話睇下附近都好﹗
終於都搵到SINH Tourist ,J 仲響佢對面搵左間鋪個Rate 好過機場 1USD = VND 21020
實不相瞞,我對於0 同小數點真係好差,J 叫我簡單D 個Amount 除2700,咁就易計好多~~~
當日我地兌左 USD 400 即係有VND 8,408,000,成千萬.............OMG~~
有左錢之後就報Local Tour 同買車蛋去美奈,1D Tour 去美拖、1/2 Tour 去古之地道、來回美奈,4個人加埋都係VND2,224,000,一個人都係HKD200左右,好抵~~~

第一站我揀左越南河,一坐底就有一大各菜,餐餐都有,應該係越南特色~~~
佢D 牙菜好甜呀....LIKE~~
酒店位於District 1, 牛河位於District 5,一程的士 VND 47,000,一個人4個半港紙都唔洗,你話係咪抵喇!!??

J 叫左Coke,我叫左Lime Soda ,佢地D Lime Soda 好得意,係一堆糖加左青檸汁,好好飲~~
Wing 叫左杯Ice Coffee,之後幾日J 都飲埋一份,估唔到真係幾好飲,D 味唔係好咖啡,越南咖啡係用練奶,我地之後買左幾包粉同D 咖啡壺返黎,希望返黎都仲飲到越南既味道啦﹗

我地諗住2個人叫牛丸,2個人叫雜錦,點知佢一黎4碗都係雜錦,有時都會咁,因為大家真係溝通唔到...........
呢碗野正到暈呀﹗

牛肉味好濃,好濃,D 牛肉片好滑,有牛腩同好多不同牛部位,真係好好味,我好想再食嫁,不過海鮮又係好吸引.....................XD

價錢,一個人咁既價錢,食D 咁好味既野﹗
真係諗返都流口水.........................



認住個門口喇﹗
旅遊書實有介紹~~~
沒有留言:
張貼留言