唔知點解聽到Justin話掛住我想見我就即刻忍唔住笑﹗
應該係佢講得衰﹗
咁就俾個機會你見下我啦﹗
放左工響灣仔食野﹗<<美味天王>>
平時Lunch好多人﹗
叫左一個燒雞串 + 沙律 、牛肉包
飲熱杏霜同埋凍柑桔
個沙律Justin就話無咩味﹗
不過我覺得唔係好多水都幾好味啦﹗
個燒雞串好好味呀~~~好軟棉棉﹗﹗
個包都唔錯，係牛肉碎同芝士﹗
第一次飲杏霜﹗好似食緊杏仁餅﹗
個柑桔都係一般﹗唔鍾意﹗
之後我地2個一人俾左$10蚊買左條電腦飛既六合彩﹗
原本係想自己畫既﹗不過唔係好sure係揀6定7個字﹗
我地真係當自己中左﹗諗定d錢點用﹗
有幾千萬當然係要買一層靚樓組織愛巢啦﹗
地點係響港島，要係一手既﹗
我地就諗起上次去數碼港睇戲附近起緊新樓﹗
原來係貝沙灣﹗
應該好安靜，同舒服﹗
Justin話會退休用錢投資錢搵錢﹗
我就打理屋企﹗得閒去下旅行﹗
我地要養狗狗﹗我地2個都好鍾意玩具貴婦﹗好可愛呀~~~
過左幾年2人世界之後就生BB﹗
之後就好似童話故事咁開開心心咁生活落去﹗
不過就算無幾千萬我地都會開開心心嫁﹗
等我地2個傻瓜發下夢都好呀~~~
沒有留言:
張貼留言